SPAK bën sehir/ Inceneratori i Tiranës ka “gllabëruar” mbi 50 milionë dollarë

2022-10-15 13:59:00, Editorial CNA

SPAK bën sehir/ Inceneratori i Tiranës ka

Skandali korruptiv, afera e shekullit, korrupsioni me incineratorët, ku në Elbasan janë paguar 22 milion euro për një incinerator, i cili në fakt është një kazan i madh me naftë, që kërkon disa dhjetra-mijëra euro në muaj për t’u mbajtur ndezur dhe është jashtë funksionit.

Incineratori i Elbasanit

Për inceneratorin e Fierit oreksi nga 22 u shtua ne 28 milion euro. Po flasim për vlera pa TVSH, pasi megjithë faturat dhe punimet e tjera, vlerat rriten me të paktën me 20 përqind.

Incineratori i Fierit

Pra bëhet fjalë për rreth 60 milion euro.

Orekset nuk u ndalën deri këtu, shkuan në Tiranë.

430 milionë euro kontratë konçensionare, për një kompani e cila është një guackë në Hollandë, e cila nuk kishte eksperiencë, nuk kishte një CV të plotë, por ishte hapur dhe drejtor kishte Klodian Zoton apo italianin e tij Xhuzepe Çafalione, Ernesto Granilin e kështu me radhë.

Miliona euro për Zoton nga inceneratori “fantazëm”/ Akuzat e forta: SPAK po “bekon” vjedhjen
31 Mars, 12:17

Tani, tek inceneratori i Tiranës kompania IEBV, e cila quhej Integreated Energy, në Hollandë është bërë Geogenix dhe ka si pjesë të saj edhe Mirel Mërtirin, të tretin e inceneratorëve.

Mirel Mertiri

Ky personazh bashkëjetues i Stela Gugallës, njeriut që mori 22 milionë euro me kompaninë Albtech Energy për inceneratorin e Elbasanit, shfaqet edhe si drejtor tek inceneratori i Tiranës, në listë pagesat e publikuara vite më parë.

Le të qëndrojmë tek inceneratori i Tiranës, tek kompania IEBV, ku janë publikuar nga mediat, faturat me miliona euro, paguar për mediat.

Inceneratorët dhe Vjollca Hoxha, një histori që nuk duhet harruar
6 Qershor, 17:31

Është publikuar gjithashtu, faturat me miliona euro për ortakëri me mediat, siç është rasti me Vjollca Hoxhën e Top Channel.

Shkojmë më tej, tek dhjetra milionë euro që kjo kompani ka marrë nga taksat e shqiptarëve.

10 milionë dollarë në vit, i ka dhënë qeveria kësaj kompanie nga viti 2018, së bashku me Bashkinë e Tiranës, pa folur këtu për milionat euro, që janë siguruar si të ardhura nga hedhja e dherave në incinerator.

Në fakt në Tiranë nuk ka një incinerator, nuk ekziston një i tillë. Ka thjeshtë dhe vetëm një landfill, është landfilli i Sharrës.

Landilli i Sharrës

Inicinirator ka vetëm emrin, por nuk ekziston në Tiranë një i tillë. Paratë janë dhënë dhe incinerator nuk ka.

Nga ana tjetër politika ndërtoi një Komision Parlamentar, një hetim parlamentar, i cili nuk dihet se ku ka përfunduar.

Komisioni Hetimor për Inceneratorët

Incineratori i Tiranës është një kontratë koncensionare 430 milionë euro, por askush nuk mban përgjegjësi.

Qeveria vazhdon paguan kompaninë dhe bosët e kompanisë, dikush në lirim, e dikush në kërkim, vazhdojnë punët e tyre të qetë.

Shqiptarëve u janë marrë nga taksat 50 milionë euro, me justifikimin për përpunimin e mbetjeve.

Janë me dhjetra milionë euro të tjera nga përpunimi i tyre, por në Tiranë sot, kur kanë kaluar 5 vite e më shumë pas kontratës koncensionare nuk ka incinerator, ai nuk ekziston.

SPAK vazhdon të bëjë sehir, sa më me nge e merr SPAK, aq më shumë para do të paguajnë shqiptarët, për një kontratë e cila nga një komision hetimor parlamentar u është faktuar me dokumenta, se është një aferë korruptive.

Është provuar me dokumenta se vlerat e abuzimit janë me dhjetra milionë euro, është provuar nga mediat, nga raportimet nga gazetarët, se në Tiranë nuk ka incineratorë, por ka një landfill dhe asgjë më shumë se sa kaq e ndërsa qytetarët duhet të paguajnë taksat me miliona euro, që këto të përfundojnë tek kompania IEBV e Klodian Zotos, ku drejtor është Mirel Mërtiri.

Mirel Mertiri dhe Klodian Zoto (foto ilustruese)

Pra, njëri në kërkim e tjetri që vjen vërdallë, për të mbyllur, ndoshta dosjet e ngelura hapur edhe për bashkëjutesen e tij Stela Gugalli.

Historia e incineratorit të Tiranës është një çështje që nuk mund të mbyllet në heshtje, pasi mediat kanë filluar të mos flasin më.

Dikush të marrë qokën e radhës, dikush faturën e radhës dhe askush nuk po flet më për inceneratorin e Tiranës, për një aferë e madhe korruptive ku janë përfshirë zyrtarë të shtetit, ku një ministër ndodhet pas hekurave dhe një zyrtar tjetër shkoi në shtëpi të vendosë lavatriçen, për të larë rrobat e kalamajve.

Kur, në fakt, janë këta personazhe të përfshirë në këtë skemë korruptive, të cilët kanë rrjepur paratë e shqiptarëve./CNA.al