LEXO PA REKLAMA!

SHKARKO APP

Miliona euro për Zoton nga inceneratori “fantazëm”/ Akuzat e forta: SPAK po “bekon” vjedhjen

31 Mars 2022, 12:17, Politikë CNA

Deputeti Agron Shehaj ka drejtuar sot akuza të forta në lidhje me inceneratorin e Tiranës, të cilin e cilëson si një ?fantazëm?.

Në një postim në rrjetet sociale, Shehaj shkruan se arrestimet e fundit të SPAK, nuk e ndalin vjedhjen, dhe se inceneratori i Tiranës është një aferë, ku dalin sërish të njëjtët njerëz dhe të njëjtat kompani.

?Arrestimet e fundit të SPAK për aferën e inceneratorëve, jo vetëm që nuk e venë drejtësinë në vend, por më e rendësishmja është se nuk e ndalin vjedhjen gjigande.

Inceneratori fantazmë i Tiranës është një aferë korruptive njësoj si ai i Elbasanit dhe i Fierit. Është i njëjti ministër që firmosi koncesionin. Janë të njëjtët njerëz që kanë marrë koncesionin, Zoto dhe Mërtiri. Më e rendësishmja, janë të njëjtat kompani që janë përdorur për të paguar rryshfete dhe vjedhur paratë e qytetarëve.?-shkruan Shehaj.

Sipas Shehajt, janë paguar miliona euro për kompani në pronësi të Klodian Zotos.

?Kompania në pronësi të Zotos, aktualisht nën sekuestro nga SPAK, ka marrë 20 milionë euro pagesa si nënkontraktor nga inceneratori i Tiranës.

Gjithashtu, inceneratori fantazmë i Tiranës ka paguar 400 milionë lekë për kompaninë Pivot 04. Është kompania fiktive që SPAK e provoi se ishte përdorur për korrupsion në Fier dhe Elbasan. Kështu janë paguar dhe shumë kompani të tjera fantazmë për të çuar rryshfete tek zyrtarët.

SPAK-u pranon në njoftimin zyrtar se babai i Alqi Bllakos ka qënë i punësuar fiktivisht dhe ka marrë pagesat korruptive nga kompania Integrated Energy, pra kompania që ka koncesionin e Tiranës. Jo në Fier apo Elbasan.

Por pavarësisht gjithë këtyre fakteve të qarta dhe kokëforta, SPAK nuk guxon të sekuestrojë inceneratorin e Tiranës. Kjo është drejtësi me leje. Dhe kjo është të bekosh vjedhjen.

Për çdo ditë që kalon, inceneratori fantazmë i Tiranës u merr qytetarëve shqiptarë 70 mijë euro. Pra 70 mijë euro vjedhje në ditë me bekimin e qeverisë dhe hezitimin e pakuptueshëm të SPAK për të vënë në sekuestro kompaninë.?-përfundon postimin e tij Agron Shehaj./CNA.al

Lajmet e fundit nga