web counter
LEXO PA REKLAMA!

SHKARKO APP

App Store
Google Play

Arrestimet e SPAK “përplasin” PS-PD në Kuvend

31 Mars 2022, 12:27, Politikë CNA

Arrestimet e fundit të SPAK, janë bërë objekt debati në Kuvend.

Socialistët pretendojnë se i kanë hapur rrugën drejtësisë, ndërsa opozita kundërshton këtë version.

Ministri i Drejtësisë, Ulsi Manja, ka thënë se mazhoranca ka ndjekur një qëndrim të qartë për personat e implikuar, duke hapur rrugë drejtësisë dhe nuk i ka mbrojtur.

?Sot i kemi hapur rrugë drejtësisë. Për ne drejtësia ka qenë vija e kuqe në raport me qytetarët. Turpin mbajeni në atë krahun andej. Sot e kësaj dite si keni kërkuar falje dhe ndjesë 4 familje që po rrisin viktima për atë pushtet që kishit dje. Ju s?keni përgjegjësi për shqiptarët, ju kanë votuar për logje në Kuvend. Ne jemi një qeveri e përgjegjshme, që kemi qenë në çdo moment në krah të qytetarëve, me aq mundësi sa kemi. Kemi ditur ti menaxhojmë në funksion të halleve të tyre. Do t?ju lutesha që fjalën turp e moral, nuk duhet të na e përmendni. Ka disa nga ata në këtë sallë që kanë përlyer duart me gjakun e shqiptarëve?, është shprehur Manja.

Por, deputeti Dashnor Sula ka thënë se të korruptuarit nuk janë çuar para drejtësisë.

?Unë gjatë fjalimit tim nuk ndava se cili është ministri që ka përfituar. Thash qeveri. Ka ministra të korruptuar pranë qeverisë, siç është e njëjta gjë edhe te ne. Edhe sot, nuk janë të gjithë korruptues. Nuk kemi pse të përlyhemi të gjithë për gjendjen që jemi. A kemi mundësi që personat që abuzojnë të shkojnë përpara drejtësisë. Për atë që tha ministri, që duhet të kemi turp. Po, e them hapur, kam qenë një nga njerëzit që në 2013 kam besuar te rilindja dhe kisha shpresë që korrupsionit që kishim do i jepnit fund. Por ndodhi që ju i mbrojtët ato, ky ishte pakti i politikës. Kjo nuk është faji i opozitës, por i juaji?, është shprehur Sula./CNA.al





Lajmet e fundit nga