web counter
LEXO PA REKLAMA!

SHKARKO APP

App Store
Google Play

E fundit!

x

Balluku i përgjigjet Opozitës/ Kriza është globale, ne mbrojmë qytetarët

31 Mars 2022, 11:45, Politikë CNA

Ministrja e Transporteve dhe Energjisë, Belinda Balluku nga foltorja e Kuvendit i është përgjigjur akuzave të opozitës në lidhje me rritjen e çmimeve dhe krizën ekonomike.

Balluku tha se, pavarësisht propagandës së tyre, kjo krizë është globale, si pasojë e luftës në Ukrainë, ndërsa shtoi se qeveria do të mbrojë qytetarët nëpërmjet paketës së rezistencës sociale, në mënyrë që të ulë impaktin e rritjes së çmimeve.

“Ju mund të bëni propagandë sa të doni, por kriza sot është krizë globale e nxitur nga lufta mes dy vendeve, që mund të jenë larg nesh, por ky është globalizimi. Pjesa më e prekur e kësaj lufte është energjia. Askush nuk e di se kur do të përfundojë. Qeveria ka vendosur të mbrojë të gjithë qytetarët nga ekspozimi i çmimeve të larta përmes paketës së rezistencës sociale. Rritja e çmimeve të produkteve të shportës janë ndikuar nga tregjet ndërkombëtare. Çmimi është një situatë që po rëndon mbi çdo familje, pro tregu po përballet edhe me mungesën e produkteve. Në vend që të bënim analiza konstruktive, të gjenim një mënyrë si të bashkëpunonim, jemi këtu duke pritur akuzat tuaja. Ndërkohë që ju mundoheni ta nxini këtë vend, unë them që ky vend ka nevojë për mbështetjen e të gjithëve”, tha Balluku./CNA.al





Lajmet e fundit nga