web counter
LEXO PA REKLAMA!

SHKARKO APP

App Store
Google Play

Nga asetet në Maltë, te kompanitë zinxhir/ LSI paralajmëron publikimin e të tjera dokumenteve për inceneratorët

31 Maj 2022, 13:42, Denoncim CNA
Nga asetet në Maltë, te kompanitë zinxhir/ LSI paralajmëron
Inceneratori i Tiranës

Nënkryetarja e LSI-së në Tiranë, Brisida Shehaj, ka paralajmëruar publikimin e të tjera dokumenteve në lidhje me koncesionin e inceneratorëve.

Në një prononcim për CNA.al, Brisida Shehaj tha se shumë shpejt LSI do të bëjë publike dhe të tjera dokumente që sipas saj tregojnë se si shteti ishte vënë në dispozicion të këtyre individëve, do të bëjë publike asete të tyre në Maltë, si dhe kompani të hapura në vende të tjera.

“LSI shumë shpejt do të bëjë publike dhe të tjera dokumente që tregojnë se si shteti ishte vënë në dispozicion të këtyre individëve, do të bëjë publike asete të tyre në Maltë, do të bëjmë publike dhe kompani të hapura në vende të tjera apo dhe procedura të tjera të përfituara nga këta individë, duke përdorur si CV pikërisht inceneratorët në Shqipëri.

Shqiptarët meritojnë drejtësi, ne meritojmë të dimë kush janë këta individë, kush fshihet pas tyre, kush i përfiton fondet publike e ne do të presim që drejtësia e re të bëjë detyrën e nëse nuk e bëjnë ata do ta bëjmë ne si opozitë.

Asnjë kërcënim apo intimidim nuk do të ndalojë punën time apo të ekipit të shkëlqyer të LSI-së, për drejtësi të pavarur në këtë vend.”-deklaroi Brisida Shehaj./CNA.al

 





Lajmet e fundit nga