Irfan Hysenbelliu, i mbytur në borxhe/ Lë peng mediat e tij

27 Maj 2022, 10:54, Denoncim CNA

Irfan Hysenbelliu

Biznesmeni që tenton të “fshihet” pas mediave të tij, Irfan Hysenbelliu, duket se është mbytur në borxhe.

CNA.al ka siguruar dokumente ekskluzive, që tregojnë se Irfan Hysenbelliu ka lënë peng mediat e tij, për të “shpëtuar” nga borxhet.

Është njeriu i cili sulmon institucionet, kur ato shkojnë të kontrollojnë, të zbardhin dokumentet, taksat, detyrimet që ka paguar në shtet ky individ, i cili për të thënë të vërtetën është i mbytur në borxhe. Me kredi miliona euro. Pa folur për paratë që duhet t’u japë kontraktorëve apo nënkontraktorëve të tij.

Sipas dokumenteve më poshtë, në vitin 2018, shoqëria “Focus Group SHPK”, e Irfan Hysenbelliut ka nënshkruar një marrëveshje “barrë siguruese” me një bankë të nivelit të dytë.

“Shoqëria Tregtare 'FOCUS GROUP' sh.p.k. me seli ne adresen Njesia Bashkiake nr.9, Rruga 'Panorama', kulla Biznesit, kodi Postar 1016, Tiranë e krijuar e vepron në bazë të ligjeve shqiptare, regjistruar si person juridik pranë Qendrës Kombëtare të Biznesit me nr. Cështje CN-539102-04-11 dhe datë regjistrimi 8.04.2011 dhe regjistruar në Organet Tatimore me NIPT Nr. L 116 I 8006.1, që ligjërisht përfaqesohet këtu nga Përfaqësuesi Ligjor znj. Brisida Ademaj… me zotësi të plotë juridike për të vepruar (dhe në vazhdim do të quhet Barrëdhënës)”, -thuhet në dokument.

Irfan Hysenbelliu, i mbytur në borxhe/ Lë peng mediat e tij

Pra, që do të thotë krijimin e një barre siguruese mbi pasuritë e luajtshme të “barrëdhënësit”, që në këtë rast janë mediat e Irfan Hysenbelliut, si garanci për shlyerjen e kredisë së akorduar.

Më tej, në dokumente thuhet se “Barrëdhënësi vendosi barrë mbi kolaterialin e përshkruar si më poshtë:

-100% të kuotave dhe të drejtat që lidhen me ta, që shoqëria tregtare “Focus Group” sh.p.k zotëron në shoqërinë “Focus Media News”, me NUIS K21909002K.

-100% të kuotave dhe të drejtave që lidhen me to, që z.Irfan Hysenbelliu zotëron në Shoqërinë Tregtare “Focus Group” me NUIS, L11618006J.

-100% të kuotave dhe të drejtat që lidhen me to, që shoqëria tregtare “Focus Group” zotëron në shoqërinë tregtare "Focus Press", me NUIS, L118060110.

Pra, biznesmeni i mbytur në borxhe, i cili ka marrë qindra mijëra euro nga inceneratorët, ëhstë detyruar të lërë peng mediat e tij, për shkak të borxheve./CNA.al