LEXO PA REKLAMA!

SHKARKO APP

E fundit!

x

Dokumenti-Vula dhe logoja e PD-së, në Apel/ Zbulohet “hileja” e Gjykatës së Tiranës

27 Maj 2022, 10:45, Denoncim CNA
Dokumenti-Vula dhe logoja e PD-së, në Apel/ Zbulohet
Selia e PD

Më 25 mars 2022, Gjykata e Tiranës njohu Kuvendin e 11 dhjetorit 2021, dhe ka regjistruar statutin e ri të Partisë Demokratike, i dalë nga ai Kuvend.

Kujtojmë këtu se Kuvendi i 11 dhjetorit vendosi shkarkimin e kryetarit të PD-së, Lulzim Basha, si dhe kryesisë së partisë.

Një ndër vendimet ka qenë edhe ndryshimi i nenit të statutit, i cilësuar si “neni Basha”.

Ata kanë kërkuar që nëse kryetari humb zgjedhjet lokale të zhvillohen zgjedhjet për një mocion mosbesimi. Në rast se humb zgjedhjet e përgjithshme të japë dorëheqjen. Po kështu në ndryshimet statusore të këtij Kuvendi lejohen edhe fraksionet.

Ndërkohë, pas vendimit të Gjykatës së Tiranës, Enkelejd Alibeaj tha se do të ankimojë vendimin dhe çështja përfundoi në Apel.

Më tej, në muajin prill 2022, gjyqtarja Blerina Muça pranoi ankimimin e Enkelejd Alibeajt kundër vendimit të Shkallës së Parë, që njohu statutin e dalë nga Kuvendi i 11 dhjetorit. 

Por, çfarë ndodh?

Tashmë beteja për logon dhe vulën e PD-së po zhvillohet në Gjykatën e Apelit, e cila ka pranuar jo vetëm ankimin e grupit të Bashës, kundër vendimit të gjyqtarit Agron Zhukri, por edhe ankimin e PD-së kundër vendimit të gjyqtares Blerina Muça.

Nga ana tjetër, ka edhe një detaj. Ashtu sikurse shikohet edhe në dokumentin më poshtë,

ditën që niset dosja e PD-së në Apel, Gjykata e Tiranës vendos të ndërrojë praktikën.

Dokumenti-Vula dhe logoja e PD-së, në Apel/ Zbulohet

Ankimimin e Alibeajt i binte që ta shqyrtonte gjyqtari Zhukri, sipas këtij vendimi. Por, është mbajtur deri në momentin që dosja e paraqitur nga Rithemelimi të shkonte në Apel.

Ndërkohë, Partia Demokratike ka kërkuar shkarkimin e gjyqtares së Gjykatës së Tiranës, Blerina Muça. 

Me anë të një shkrese, Partia Demokratike ka kërkuar nga Inspektori i Lartë i Drejtësisë, Artur Metani, hetimin e gjyqtares Muça dhe marrjen e masës së ‘pezullimit nga detyra’, duke i kujtuar se Komisioni i Rithemelimit është i vetmi institucion që drejton Partinë Demokratike.

PD-ja akuzon Blerina Muçën se në kundërshtim me ligjet dhe praktikën ligjore, ka pranuar një padi të Enkelejd Alibeajt, i cili nuk ishte as palë në çështjen për të cilën kërkon pezullimin e vendimit të gjyqtarit Agron Zhukri, i cili ka njohur Komisionin e Rithemelimit si autoriteti zyrtar që drejton PD-në, deri në zgjedhjen e kreut të PD-së.

Ndërsa pas zgjedhjeve të 22 majit, tashmë PD-ja ka edhe kryetarin e saj./CNA.al

Lajmet e fundit nga