LEXO PA REKLAMA!

SHKARKO APP

Si ia ka "kyçur" Erion Veliaj gojën Jorida Tabakut për aferën e inceneratorëve

29 Maj 2022, 14:34, Politikë CNA
Si ia ka "kyçur" Erion Veliaj gojën Jorida Tabakut
Deputetja e PD-së, Jorida Tabaku

Jorida Tabaku është katapultuar në Partinë Demokratike dhe është pa asnjë kontribut në këtë parti. Për shkak të mbiemrit apo familjes së saj, që kuptohet është një nga dyert e mëdha të kryeqytetit, ka arritur të jetë këtu ku është sot, por edhe të ketë përfitime të mëdha gjatë këtyre viteve.

Në dalje të ndryshme, Tabaku fliste për aferën e inceneratorëve, për të cilin u ngrit edhe një komision hetimor, ku kjo e fundit ishte kryetare. Në fakt, edhe pse prej kohësh është dukur sikur ajo po mbronte interesat e qytetarëve, në fakt nuk po bënte asnjë gjë më shumë sesa shërbimin e pazarit Rama-Basha. 

PD-ja që prej vitit 2013 e deri më sot vijon të jetë në opozitë. Prej 9 vitesh demokratët kanë ngelur pa përfaqësim, por edhe të dëmtuar, ndërkohë që për Lulzim Bashën apo një pjesë të deputetëve pranë tij ka qenë e kundërta. Përfitimet e tyre në opozitë kanë qenë mjaft të mëdha.

Në komisionin hetimor, edhe pse Veliaj ka aprovuar ndërtimin e djegësit të Tiranës, Tabaku stepej t’i zinte emrin në gojë apo edhe ta bënte përgjegjës për atë aferë.

Pikëpyetje të shumta u ngritën për këtë qëndrim të saj, ndërsa CNA.al ka zbuluar përmes një investigimi se Jorida Tabaku ka përfituar leje ndërtimi nga kryebashkiaku i Tiranës, Erion Veliaj.

Si ia ka "kyçur" Erion Veliaj gojën Jorida Tabakut
Jorida Tabaku dhe Erion Veliaj

Bëhet fjalë për një leje ndërtimi dhënë te Fusha e Aviacionit, ku Jorida Tabaku do të marrë përqindjen e luanit pas lejes që ka dhënë Erion Veliaj për zhvillimin e pronës se saj.

‘Kompleks banimi me 9 ndërtesa kryesore me 7, 8, 11 dhe 12 kate mbi tokë dhe kate parkimi nëntokë. Ofron 90 000m2 apartamente, 60 000m2 ambiente tregtare dhe 34 000m2 hapësirë parkimi. Vendndodhja: Ish-Fusha e Aviacionit, afati i përfundimit: 2022, sipërfaqe totale: 140 000m2”, thuhet në lejen e ndërtimit.

Kjo është dhe lidhja që Jorida hesht për Lali Erin, sepse ka marrë leje për biznesmenë që Basha i akuzon si oligarkët.

Leja e dhënë nga Erion Veliaj është dhe çelësi që i ka mbyllur gojën ish-nënkryetares së Lulzim Bashës.

Si ia ka "kyçur" Erion Veliaj gojën Jorida Tabakut
Projekti i kompleksit në Fushën e Aviacionit, Tiranë

CNA.al arriti të siguronte ekskluzivisht lejen e ndërtimit që Veliaj i dha Tabakut. Përmes një vendimi me numër A-14294/6, është leja për ndërtimin e kullave që është lëshuar nga Bashkia e Tiranës. Leja në fakt nuk është dhënë drejtpërdrejtë në emër të deputetes, por të Majlinda Tabakut, nënës së saj.

Por, jo vetëm kaq.

Familjarët e Jorida Tabakut e kanë shtrirë veprimtarinë e tyre edhe jashtë kufijve të Shqipërisë.

Familjarët e Jorida Tabakut, babai i saj, njerëz afër saj, biznesmenë me të cilët ata bashkëpunojnë, kanë ndërtuar pallate në Itali. Sipas të dhënave që ka siguruar CNA.al edhe institucione ligjzbatuese në Shqipëri janë në dijeni të këtyre ndërtimeve.

Janë ndërtuar pikërisht në Gjenova të Italisë.

Por deputetja e Lulit, e cila ka nisur takimet me një grup të vogël njerëzish skutave, nuk ka dhënë asnjë herë përgjigje për këto leje edhe pse ajo heshti për aferën e inceneratorëve.

Pasuria e deputetes së Lulit nuk mbaron këtu. Jorida Tabaku disponon edhe vila luksoze në Gjirin e Lalëzit dhe shumë pasuri.

Si ia ka "kyçur" Erion Veliaj gojën Jorida Tabakut
Vila e Jorida Tabakut në Gjirin e Lalëzit

Vila të cilat kushtojnë disa qindra mijëra euro, por deklarohen me vlera ndoshta gjysmë për gjysmë me atë çka janë vërtetë në treg.

Sipas të dhënave të siguruara nga hipoteka e Durrësit, rezulton se vila 174 metër katrorë është në brezin e dytë të vilave luksoze në kompleksin Valamar dhe ka një sipërfaqe 420 metra katrorë truall.

Sipas të dhënave të siguruara nga CNA.al, vila 174 metër katrorë është deklaruar me gjithë truall diku te 195 mijë euro, ndërsa të dhënat e tregut tregojnë se vlera e këtyre objekteve në Valamar, një nga rezidencat më luksoze në Gjirin e Lalëzit, shkon afërsisht dyfishin, kjo për faktin se çmimi mesatar i vendosur nuk ka lidhje me realitetin e tregut në atë zonë, por gjithsesi sipas Zyrës së Regjistrimit të Pasurive, duket se ky objekt ka një barrë bankare dhe rezulton i mbuluar nga një kredi nga një bankë e nivelit të dytë.

Por për këto vila, Tabaku është justifikuar se i ka pasuri të trashëguara./CNA.al

 

Lajmet e fundit nga