web counter
LEXO PA REKLAMA!

SHKARKO APP

App Store
Google Play

Drejt djegies edhe raundi i tretë/ “Asi nën mëngë” i Ramës për president dhe pranimi në heshtje i Alibeajt

29 Maj 2022, 14:22, Politikë CNA
Drejt djegies edhe raundi i tretë/ “Asi nën
Enkelejd Alibeaj dhe Edi Rama

“Telenovela” me presidentin e ri duket se do të çojë drejt dështimit edhe raundin e tretë.

Në orën 16:00 është afati i fundit i dorëzimit të kandidaturave, ndërsa deri pas orës 14:00 asnjë emër nuk ka mbërritur në sekretariatin e Kuvendit.

Marrëveshja mes Enkelejd Alibeajt dhe Taulant Ballës në heshtje po i djeg të gjitha raundet.

Alibeaj nga ana e tij ripërsërit veten në çdo dalje, duke thënë se mazhoranca nuk e do një president konsensual, ndërsa Taulant Balla me “kushtet” e tij shprehet se nuk pranon asnjë emër që firmoset nga Sali Berisha apo deputetët pranë tij.

Këto retorika tregojnë thjesht dhe vetëm marrëveshjen që është bërë mes tyre, duke ia lënë fushën e lirë PS-së për të zgjedhur e vetme presidentin.

Edhe deputeti i PD-së, Saimir Korreshi pak ditë më parë në një intervistë e paralajmëroi se opozita do e digjte raundin e tretë.

Sipas Kushtetutës, tri raundet e para të cilat kërkojnë 84 vota, quhen të ezauruara edhe kur nuk paraqitet asnjë kandidat. Në raundin e katërt dhe të pestë, mjaftojnë vetëm 71 vota për të zgjedhur pasuesin e Ilir Metës. PS-ja i ka e vetme votat për të zgjedhur presidentin dhe për këtë kryeministri Rama e ka “asin nën mëngë”.

CNA.al paralajmëroi më herët se Ferit Hoxha, është një nga emrat që Rama ka diskutuar me bashkëpunëtorët e tij të ngushtë për të zëvendësuar Ilir Metën në datën 25 korrik si President i Republikës së Shqipërisë për një mandat të plotë 5-vjeçar.

Duket se kjo gjë është pranuar nga Enkelejd Alibeaj në heshtje, për aq kohë sa ai ka refuzuar që të depozitojë ndonjë emër për kreun e ri të shtetit./CNA.al

 

 





Lajmet e fundit nga