web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e ministres serbe/ Kos: Nuk ka vend në Evropë për retorikën që justifikon pastrimin etnik

14 Korrik 2026, 19:09, Kosova & Bota CNA

Deklaratat e ministres serbe/ Kos: Nuk ka vend në Evropë për

Komisionerja europiane për Zgjerim, Marta Kos ka reguar lidhur me deklaratën e ministres serbe, Snezhana Paunoviç për spastrimin etnik në Kosovë.

Kos është shprehur në një prononcim për gazetarët nga Kosova, është shprehur se për deklarata të tilla duhet të ketë zero tolerancë.

Ajo shton se këto fjalë janë në kundërshtim të drejtpërdrejtë me parimet themelore mbi të cilat është ndërtuar BE-ja dhe pa të cilat sipas saj procesi i anëtarësimit nuk mund të ndodhë.

Ndër të tjera shton se pret nga liderët politikë që të veprojnë me përgjegjësi, të përmbahen nga gjuha nxitëse dhe të kontribuojnë për ndërtimin e besimit, pajtimit dhe stabilitetit në rajon.

“Mund të ketë vetëm zero tolerancë për deklarata të tilla çfarë kemi dëgjuar. Dhe nuk ka vend në Evropë për retorikën që justifikon, avokon apo glorifikon pastrimin etnik. Unë jam personalisht e tronditur. Deklarata të tilla janë në kundërshtim të drejtpërdrejtë me vlerat dhe dinjitetin njerëzor, pajtimin e nevojshëm, llogaridhënien dhe raportet e mira ndërfqinjësore, themele mbi të cilat  është ndërtuar BE-ja dhe pa të cilat procesi i anëtarësimit nuk mund të ndodhë. Këto janë edhe në kundërshtim me obligimet e Serbisë nga dialogu i lehtësuar nga BE për normalizimin e raporteve me Kosovën. Unë vetëm mund të supozoj se këto janë qëndrime të një ministreje dhe nuk paraqesin qëndrimin e qeverisë së Serbisë. Presim nga liderët politikë që të veprojnë me përgjegjësi, të përmbahen nga gjuha nxitëse dhe të kontribuojnë për ndërtimin e besimit, pajtimit dhe stabilitetit në rajon”, deklaroi Marta Kos. /CNA





Lajmet e fundit nga