web counter
LEXO PA REKLAMA!

SHKARKO APP

App Store
Google Play

Presidenti/ Veliaj i nxjerr ‘sekretin’ Ramës: PS e ka gati listën me 10 figura dinjitoze

28 Maj 2022, 19:40, Politikë CNA
Presidenti/ Veliaj i nxjerr ‘sekretin’ Ramës: PS e ka gati
Kryetari i Bashkisë së Tiranës, Erion Veliaj

Ndonëse kryeministri Edi Rama dhe mazhoranca kanë deklaruar se ende nuk kanë një kandidaturë për Presidentin e ri, kryetari i Bashkisë së Tiranës, Erion Veliaj, ka deklaruar të kundërtën.

Veliaj tha se nëse PD-ja nuk do të propozojë edhe në raundin e tretë një kandidat të sajin, atëherë mazhoranca do ta nxjerrë vetë emrin e Presidentit.

Ai theksoi në emisionin “Kjo Javë” se PS-ja e ka gati listën me 10 burra dhe gra dinjitoze për të kandiduar për postin e Kreut të Shtetit.

“Brenda qershorit ne do të kemi një President. Me shumë gjasa, sipas kritereve që kemi rënë dakord, do të kemi një President normal, që nuk bën brigadierin e komunales. Ne kemi pasur president që drejtonin protestat kundër projektit të Astirit. Na duhet një president që merret me punët e tij. Unë kam parë kryetarë bashkie që duan të bëhen President, por presidentë që duan të bëhen drejtor komunaleje, nuk kisha parë. Ne kemi  10 figura, burra dhe gra dinjitoze, që kanë treguar në CV-në e tyre se ruajnë reputacionin e vendit tonë, stemën e Republikës sonë. Besoj se mes këtyre 10 figurave, ne do të marrim një vendim Kryesie.

Me sa duket, ata e kanë humbur rrugën  në oborr si 'Xhaferri simiten'. Do t'u japim edhe një mundësi të tretë, na propozoni një emër që të jetë i pranueshëm. Di të them këtë, që Kryeministri është super i vendosur që të mos kemi një deputet aktiv, një socialist aktiv, por të kemi një njeri normal. Besoj se i kemi dalë borxhit opozitës duke i thënë tri herë na propozoni një njeri normal, na propozoni një figurë të pranueshme, një njeri unifikues të vendit tonë. Nëse opozita thotë tri herë 'jo', atëherë do të duhet që ta propozojmë vetë këtë figurë. Besoj se mes 10 emrave që kemi, do të zgjedhim një personalitet dinjitoz, që nuk merret me ujërat e zeza, me asfaltin, me llaç e tulla, dhe nuk e çon shkollën 'Sami Frashëri' në Paskuqan”, nënvizoi kryebashkiaku i Tiranës./ CNA.al





Lajmet e fundit nga