E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Çfarë po ndodh me hetimet për inceneratorin e Tiranës?/ Ja si përgjigjet Arben Kraja

20 Maj 2022, 12:09, Politikë CNA

Kreu i SPAK-ut, Arben Kraja, gjatë raportimit të tij sot në SPAK, ndër të tjera është pyetur nga deputetja e LSI-së, Erisa Xhixho, edhe në lidhje me hetimet për inceneratorin e Tiranës.

?Çfarë ndodh me inceneratorin e Tiranës sepse janë disa kompani fiktive që operojnë edhe në inceneratorin e Tiranës. Pra, sa mund t?i japim ne përgjigje publikut për atë ndjeshmëri që ka ndaj kësaj çështjeje pa hyrë në detaje apo në gjëra që mund të cenojnë sekretin hetimor. Këtë e them sepse ky evazion fiskal që ka ndodhur në këtë megaaferë kap një vlerë 27 milionë euro dhe pagesat për inceneratorin e Tiranës vazhdojnë kryhen nga buxheti i shtetit, ka një dëm të qytetarëve dhe taksapaguesve shqiptarë. Dhe prandaj e shtroj këtë pyetje duke u nisur dhe nga qëllimi që ka kjo dëgjesë për të sqaruar sa mundemi publikun në disa çështje që kanë goxha ndjeshmëri.

Kjo është pyetja e parë dhe pyetja e dytë, në dijeninë dhe në informacionet që ne kemi ka një abuzim të institucioneve shqiptare me fondet e Bashkimit Europian dhe kryesisht të AZHBR. A keni ju një hetim që po zhvilloni në këtë drejtim kryesisht në Qarkun Durrës dhe Tiranë në informacionet që ne kemi, por edhe në denoncimet që ne kemi parë në media, por edhe vetë si forcë politike. A keni ju një hetim që po zhvilloni në këtë drejtim pa u hyrë detajeve duke respektuar pa dyshim pavarësinë tuaj institucionale dhe hetimin që ju bëni.?-tha Xhixho.

Ndërsa Kraja iu përgjigj se duhet t’i drejtohet institucionit procedurialisht, dhe do të marrë përgjigje.

?Ju që jeni në cilësinë e kallëzuesit, procedura parashikon rregulla se si komunikohet dhe procedurialisht në çdo moment mund t?i drejtoheni institucionit dhe do të merrni përgjigje. Po kështu edhe për a ka hetim për fondet me abuzimet, diçka që nuk mund t?i jap përgjigje se është çështje hetimore, kështu që besoj më mirëkuptoni.?-tha Kraja./CNA.al