web counter
LEXO PA REKLAMA!

SHKARKO APP

App Store
Google Play

E fundit!

x

“Marrëveshjet e Ramës me Alibashët, praktikë denigrimi”/ Berisha ia pret “shpresat” Alibeajt

20 Maj 2022, 11:02, Politikë CNA

Ish-kryeministri Sali Berisha ka reaguar sërish sot në lidhje me procesin e zgjedhjes së Presidentit.

Gjatë një deklarate për mediat ia ka “prerë shpresat” Alibeajt, në lidhje me marrëveshjet që sipas tij, ai bën me Ramën, në emër të Bashës.

?Çdo gjë që Edi Rama bën me Alibashën është një praktikë e denigrimit e shpërfytyrimit dhe keqpërdorimit të një njeriu që një zot e di se çfarë hallesh kanë. Ndodh siç e patë mbrëmë të përgënjeshtrohen flakë për flakë në studio televizive për mashtrimet që kanë bërë . Është një mjerim politik megjithatë e kanë vetë përgjegjësinë.

Asnjë diskutim për emra nuk bëjmë jashtë procedurës që i japin opozitës pozicionin e vërtetë që ajo duhet të ketë. Nuk mundet opozita të bëhet lolo, lodër në duart e mazhorancës. Ka një praktikë. Janë forcat politike që kanë marrë vendim. Kur kemi diskutuar për Presidentin nuk ka ardhur Gramoz Ruçi ka ardhur Rama në takim. Nuk vendosin ata që nuk kanë asnjë funksion. Rama të vazhdojë rrugën. Nuk është bojkot. Kemi një votë ne dhe kaq thashë. Ne nuk bëhemi pjesë e një procedure që është e bazuar në një fals opozitë?, tha Berisha./ CNA.al





Lajmet e fundit nga