E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Alibeaj, si “patericë” e Ramës/ Vijon “teatri” për zgjedhjen e Presidentit

20 Maj 2022, 08:18, Politikë CNA

Kryeministri Edi Rama dhe mazhoranca socialiste vijonë procesin farsë për zgjedhjen e Presidentit të ri.

Fillimisht Rama futi grupin parlamentar të PS-së të propozojë kandidatura. Më tej, ndërsa në media qarkulluan disa emra, Rama doli e tha se nuk do të ketë kandidaturë nga grupi i tyre parlamentar.

Seanca e parë parlamentare u dogj pa një kandidaturë, ndërsa tashmë si ?patericë? e “show”-t të Ramës po shërben edhe Enkelejd Alibeaj, i cili mendon se është kryetar, se kështu e paska komanduar Gaz Bardhi.

Në vijim të teatrit, pas të ashtuquajturave negociata me praninë e mediave, Taulant Balla i dha të drejtën Alibeajt të propozojë emrat në seancën e dytë dhe të tretë.

Ndërkohë, mësohet se Alibeaj ka kërkuar sërish sot një mbledhje të deputetëve, në orën 16:00 për të zhvilluar diskutim të thelluar për emrat e kandidatëve që do të propozohen për Presidentin e ri.

Kujtojmë këtu se në mbledhjen e ditës së djeshme ishin të pranishëm 26 deputetë.

Ata kanë propozuar për President emrat e Rexhep Ukës, Halim Kosovës, Dashamir Shehut, Leka Zogut, Leonard Demit, Arben Çekut, Dritan Demirajt dhe Visar Zhitit.

Ndërsa para mbledhjes se grupit te PD, ka reaguar grupi i PS, i cili i kujton Alibeajt, se kandidatët e proppozuar duhet të shoqërohen me 20 firma.

?Dy ditë më parë kemi rënë dakord që në raundin e dytë dhe të tretë ne nuk do propozojmë kandidat dhe i takon opozitës të propozojë. Propozimi për President duhet të vijë dhe me firma mbështetëse nga opozita. Nëse presidenti nuk zgjidhet në këto dy raunde, në raundin e katërt do të propozojmë ne. Takimi ka qenë publik dhe kjo është dakordësuar në prani të mediave?, shprehet grupi i PS./CNA.al