web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria, në listën gri të pastrimit të parave/ Meta: Të ndëshkohen praktikat abuzive

19 Maj 2022, 14:42, Politikë CNA

Presidenti Ilir Meta e shikon me shqetësim futjen e Shqipërisë në listën gri të Këshillit të Europës, në lidhje me luftën kundër Pastrimit të Parave dhe Financimit të Terrorizmit.

Me anë të një statusi në rrjetet sociale, Meta deklaron se kjo gjë dëmton rëndë besueshmërinë e investitorëve dhe progresin e vendit drejt Bashkimit Europian.

Kreu i Shtetit kërkon të ndëshkohen korrupsioni, praktikat abuzive, PPP-të dhe monopolet, të cilat thekson se janë të lidhura ngushtë me fenomenet negative që evidentohen nga raporti i MONEYVAL.

?E konsideroj shumë shqetësues përfshirjen sërish të Shqipërisë në listën gri të Këshillit të Europës, në lidhje me luftën kundër Pastrimit të Parave dhe Financimit të Terrorizmit, që dëmton rëndë besueshmërinë e investitorëve dhe progresin e vendit drejt Bashkimit Europian.

Shpreh keqardhjen e thellë për faktin se Shqipëria edhe pse vite më parë e kishte fituar këtë betejë dhe nuk renditej në këtë listë, tanimë sipas raportit të publikuar nga MONEYVAL i KE-së, është vendosur në monitorim të zgjeruar dhe duhet të raportojë më tej për masat e marra në luftën kundër Pastrimit të Parave dhe Financimit të Terrorizmit.

Korrupsioni, praktikat abuzive, PPP-të dhe monopolet, janë të lidhura ngushtë me fenomenet negative që evidentohen nga raporti i MONEYVAL.

Shpreh bindjen se për sa kohë nuk ndëshkohen këto praktika, Shqipëria nuk do të ketë progres as në luftën kundër Pastrimit të Parave dhe Financimit të Terrorizmit?, nënvizon Presidenti./ CNA.al





Lajmet e fundit nga