Biznesmeni shqiptar Artur Shehu ka folur në emisionin Opin...
Skandali me mediat/ Si po i përdor Irfan Hysenbelliu dhe Vjollca Hoxha televizionet për interesa personale
30 Maj 2022, 22:24, AktualitetCNA
Gazetari Elvi Fundo
Ngjarja që ka ndodhur në Librazhd, ku vjehrra dhe vjehrri kapën nusen e djalit me të dashurin në shtrat, ka “pushtuar” të gjitha mediat.
Një ngjarje e rëndë, që ka marrë vëmendjen më të madhe të opinionit publik.
Gazetari dhe editori i CNA.al, Elvi Fundo, në emisionin "Të Paekspozuarit" me Ylli Rakipin, shprehet se mediat duhet të merren me çështje më serioze se një histori dashurie në Librazhd, teksa ka dhënë shembuj konkretë se si Vjollca Hoxha dhe Irfan Hysenbelliu po përdorin mediat e tyre për interesa personale.
Sipas Fundos, kjo është një çështje më serioze që duhet të pasqyrojnë mediat, si dhe ka theksuar se një vëmendje të shtuar duhet të ketë edhe AMA.
“Është një ngjarje e rëndë. Ajo është një ngjarje që nuk duhet të ishte transmetuar fare. Është banale të merresh se çfarë bën një grua në një cep të Librazhdit me të dashurin në shtrat.
Në Tiranë ndodhin fenomene të mëdha dhe mediat për shkak të klientelizmit që kanë ndaj pushtetit nuk raportojnë dhe nuk japin asnjë gjë.
A nuk shikon AMA mënyrën se si sillen mediat dhe se si e përdorin pushtetin e tyre për interesat e pronarëve?
A e keni parë ditët e fundit se si 'Balkanweb' dhe mediat e zotit Irfan Hysenbelliu sulmojnë në mënyrë të çuditshme Tatimet? Unë me një pyetje që bëra rezultonte se zotit Irfan Hysenbelliu ka 2 mld lekë detyrime të papaguara nga bizneset e tij në shtet.
AMA duhet të shohë pse një televizion që unë e përmenda më lart sulmon Tatimet.
AMA në fund të vitit duhet të marrë një raport nga kjo media.
Nga ana tjetër, doni të flas për 'Top Channel'. Pse sulmohet ministrja e Financave? Sepse një njeriu i kanë falimentuar kioskat dhe ka rreth 1.5 miliardë lekë borxhe. Këto media, përdoren si marionet për borxhlinjtë, për interesa private, për interesat e shtratit. Këto janë ato që duhet të japë media.
AMA duhet të ishte marrë thelbësisht me televizionet dhe nuk duhet të merret me paçavuren e videos me një copë letër, por duhet të merret me atë që bën media përditë. Ajo që bën media përditë në Shqipëri është e dhimbshme.
AMA është kthyer në një institucion politik, ku zëdhënësja e Ramës me zëdhënësen e Bashës drejtojnë institucionin dhe vendosin për fatin e medias. Problemi është që kush e merr seriozisht median dhe çfarë thotë media”, tha Fundo./E.K-CNA.al
