“Berisha, talenti më i rrallë i këtyre 30 viteve”/ Fevziu ‘bën parashikimin’, çfarë do të ndodhë me PD-në

30 Maj 2022, 21:28, Aktualitet CNA

“Berisha, talenti më i rrallë i këtyre 30 viteve”/

Blendi Fevziu

Gazetari Blendi Fevziu është i ftuar mbrëmjen e sotme në emsionin “Të paekspozuarit” me Ylli Rakipin, ku mes të tjerave ka folur edhe për situatën politike.

Fevziu tha se PD-ja është në një situatë tejet delikate dhe se në qoftë se nuk rithemelohet ajo do të shkërmoqet.

Duke u ndalur te Berisha, ai tha se është talenti më i rrallë i këtyre 30 viteve dhe shtoi se në Shqipëri nuk ka terren për krijimin e partive konservatore.

“PD është partia e vetme nga partitë që rrëzuan komunizmin që mbijetoi në Europën lindore. Mbijetoi në sajë të vullnetit të Berishës. Nëse Berisha do të tërhiqet sot, a ka fuqi që kjo parti të rigrupohet, është shumë e vështirë.

Plasari tha që PD duhet të rithemelohet. PD është në një situatë tejet delikate. Vendi pa opozitë nuk mbetet po mund të duhen 10 vite sa të krijohet një opozitë e re. Ne jemi në një risk të madh të shkërmoqjes së partisë.

Unë rithemelim kuptoj të gjithë njerëzit opozitarë. Në qoftë se nuk rithemelohet, PD shpërbëhet.

Kryesia nuk ka asgjë të re edhe pse janë me integritet, nuk ka asgjë të re. Nuk e di nëse Berisha ka një as nën mëngë.

Unë kam sjellë një shembull, këtu nuk bëhet fjalë ka apo nuk ka të rinj, ka të rinj briliantë.

Brezi im është i rritur në kohën më të keqe më se '80-'90 vendi ishte ekonomikisht në rrënim. Po rritej një brez parazit që mendonte se shteti e gënjente dhe e anasjellta. Befas ky brez pa ideal me ngjarjet e 1990-ës u rimotivua dhe gjeti një motiv dhe eci shumë. Problemi është çfarë modeli u jep të rinjve.

Unë nuk e di a voton vajza ime për doktorin. Kam pasur bindjen që PD duhet të kishte një figurë të re, Berisha të mbetej lideri historik. Lideri i ri mund të gjendej me garë. Berisha është talenti më i rrallë i këtyre 30 viteve, por e mbylli vetë karrierën e tij.

PD nuk ka qenë kurrë parti konservatore, ka qenë grup antikomunist, një grup që u bashkua dhe mendonte se Shqipëria duhet të ishte ndryshe nga komunizmi. Tentuan disa parti të bëheshin konservatore, nuk pati terren”, tha Fevziu./E.T-CNA.al