LEXO PA REKLAMA!

SHKARKO APP

“Femra jeton për t’i ruajtur nderin burrit”/ Lubonja ‘flet me Kanun’ për ngjarjen e Librazhdit

30 Maj 2022, 22:07, Aktualitet CNA
“Femra jeton për t’i ruajtur nderin burrit”/ Lubonja
Fatos Lubonja

Analisti Fatos Lubonja ka komentuar ngjarjen e ndodhur në Librazhd ku nusja u zbulua duke tradhtuar bashkëshortin në emigrim, në dhomën martesore.

Lubonja tha se në këtë histori “çështja” është nderi dhe se nuk duhet harruar se nga vjen shoqëria jonë, teksa shton se në rastin e babait të vajzës, i cili e ka dhunuar, ai ndoshta do ta kishte trajtuar ndryshe të bijën, por shoqëria që e rrethon e “detyron” atë të sillet në atë formë që “ata duan”.

“Këtu nderi ka rëndësi shumë, këtu çështje nderi është, por çfarë kuptojmë me nder? Në Itali deri në vitet e ‘60-ta, ka ekzistuar kodi “vrasja për nder”, burri kishte lehtësira dhe nuk dënohej nëse vriste gruan e cila e kishte tradhtuar.

Çështja e nderit lidhet me atë që quhet nderi i familjes, nderi i burrit. Ne vijmë nga Kanuni, sipas Kanunit te ne gruaja në dy raste vritej, dhe ne vijmë që andej…  vritej kur thyente besën dhe kur tradhtonte, dhe kur bëhet fjalë për nderin, bëhet fjalë për nderin e burrit, që gruaja i ruan nderin.

Pra, këtu problemi është kjo çështja e nderit, femra jeton për t’i ruajtur nderin burrit, ky është një model që ekziston në këtë shoqëri dhe ai babai që rreh atë gocën, ka këtë hall, se i ka humbur nderi dhe si do e gjykojnë të tjerët. Ti mund t’i qash hallin vajzës në shtëpi, por në sy të të tjerëve do të flasësh si duan të tjerët. Në këtë aspekt them se ka probleme kjo shoqëri… Nuk e di sa kemi avancuar”, tha Lubonja./E.T-CNA.al

 

Lajmet e fundit nga