LEXO PA REKLAMA!

SHKARKO APP

E fundit!

x

Skandali me të dhënat private/ Del në skenë i dashuri i Vjollca Hoxhës

28 Maj 2022, 13:10, Aktualitet CNA
Skandali me të dhënat private/ Del në skenë i dashuri i
Vjollca Hoxha

Shpresim Bajraktari, i njohur si i dashuri i pronares së "Top Media", Vjollca Hoxha, ka disa kompani në pronësi, që merren me aktivitete të ndryshme.

Por disa prej tyre rezultojnë nën sekuestro për shkak të detyrimeve tatimore.

Një tjetër kompani e Bajraktarit e vënë në sekuestro për borxh tatimor është edhe “EASY INVEST” me numër identifikimi L61424017H.

Kjo kompani ushtron aktivitet financiar jobankar për veprimtari financiare të licencuara nga Banka e Shqipërisë.

Pas licencimit ka rezultuar se kjo kompani ka keqpërdorur të dhënat private të qytetarëve dhe në këtë pikë ka reaguar Komisioneri për të Drejtën e Informimit dhe Mbrojtjen e të Dhënave Personale.

Komisioneri ka kryer verifikim dhe hetim administrativ në kompaninë e Shpresim Bajraktarit dhe ka gjetur shkelje dhe e ka dënuar financiarisht.

Bajraktari nuk pagoi detyrimin

Me 25.10. 2016, shoqëria “EASY INVEST”, është lajmëruar për ekzekutim vullnetar të detyrimin financiar.

Por, ai nuk ka kryer asnjë transaksion.

Pas një muaji është dhënë urdhëri për sekuestro.

Përmbaruesi gjyqësor, Alban Ruli, ka urdhëruar vendosjen e menjëhershme të masës së sekuestros konservative në kuotat e shoqërisë “EASY INVEST”.

Bëhet fjalë për shuma në vlerat 100 000 lekë, 50 000 lekë dhe 100 000 lekë. Vlera me të cilat e kishte dënuar, Komisioneri për të Drejtën e Informimit dhe Mbrojtjen e të Dhënave Personale.

Skandali me të dhënat private/ Del në skenë i dashuri i

Përdorimi i të dhënave private të qytetarëve

Hetimi administrative nga zyra Komisionerit për të Drejtën e Informimit dhe Mbrojtjen e të Dhënave Personale ndaj kompanisë “EASY INVEST”, ka nisur me 3.05.2016, pra 3 muaj pasi është regjistruar në QKB.

Zyra e Komisionerit ka konstatuar se kontrolluesi “EASY INVEST”, gjatë ushtrimit të aktivitetit financiar realizon marketing të drejpërdrejtë ndaj subjekteve me të dhënat nëpërmjet telefonit.

Në thirrjet e kryera prej tij konstatohet prania e numrave të ceularit të qytetarëve, të regjistruara manualisht në blloqe individuale të operatorëve të kontrolluesit.

Për më tepër kontrolluesi nuk i informon subjektet e të dhënave personale, personin që do të përpunojë të dhënat apo të drejtat ligjore.

Nga verifikimi paraprak edhe nga hetimi administrativ rezultoi se kontrolluesi nuk e kishte përmbushur detyrimin për njoftim në zbatim të nenit 21 të Ligjit nr 9887, datë 10.03.2008 “Për mbrojtjen e të dhënave personale”, i ndryshuar.

Sipas zyrës së Komisionerit shkeljet e konstatura janë serioze. Ato lidhen me garantimin  e përpunimit të ligjshëm të të dhënave.

Skandali me të dhënat private/ Del në skenë i dashuri i

“EAYSY INVEST” mbi tetë milionë lekë borxhe në tatime

Në vitin 2022, kompania në fjalë rezulton në borxh me tatimet. 829 675 lekë të reja borxh në tatime.

Mbi 5 milionë ka qenë borxhi kryesor, i cili është shtuar ndër vite, plus edhe kamatat duke shkuar kështu në mbi 8 milionë lekë detyrime ndaj shtetit.

Ndër këto, 7.6 milionë janë sigurime të papaguara.

Skandali me të dhënat private/ Del në skenë i dashuri i

Pra, kemi një kompani që është kapur duke keqpërdorur të dhënat private të qytetarëve, dhe që është miliona lekë borxhe në tatime, ndaj së cilës nuk është ndërmarrë asnjë masë ligjore.

Masa janë marrë, por nga ana e kundërt. Dyshohet se pronarja e "Top Medias", Vjollca Hoxha, i ka konvertuar masat në mbrojtje të të dashurit Shpresim Bajraktarit, duke sulmur drejtuesit e institucioneve tatimore./CNA.al

Lajmet e fundit nga