web counter
LEXO PA REKLAMA!

SHKARKO APP

App Store
Google Play

E fundit!

x

U votua për te AIDSSH/ Familja Mirakaj mban mbi supe 100 vjet burg për anëtarët e saj

27 Maj 2022, 20:56, Aktualitet CNA
U votua për te AIDSSH/ Familja Mirakaj mban mbi supe 100 vjet burg për
Familja Miraka

Ditën e sotme është zhvilluar mbledhja në Komisionin e Ligjeve, ku është diskutuar përzgjedhja e kandidaturave të paraqitura për anëtar të Autoritetit për të Drejtën e Informimit mbi Dokumentet e ish-Sigurimit të Shtetit.

Deputetet e PS-së në Komisionin e Ligjeve, votuan kandidatin Simon Mirakaj, për  anëtar të Autoritetit për të Drejtën e Informimit mbi Dokumentet e ish Sigurimit të Shtetit. Kandidati kalon në Parlament për votim.

Kandidatura e Simon Mirakës, propozuar edhe me firmën e Sali Berishës, ka shkaktuar debat në Komision.

Gazment Bardhi ju drejtua me tone të ashpra deputetëve socialistë në Komision, duke kundërshtuar kandidaturën e Mirakës.

Për këtë ka reaguar deputeti Flamur Noka, i cili në një postim në rrjetin social Facebook, teksa mbështet kandidaturën e Simon Mirakës shprehet se familja e këtij të fundit ka mbi supe 100 vjet burg për anëtarët e saj, 4 të pushkatuar dhe 300 vite internim si familje.

“Familja Miraka mban mbi supe 100 vjet burg për anëtarët e saj, 4 të pushkatuar dhe 300 vite internim si familje! Nëna e Z. Miraka dhe bashkëshortja e xhaxhait vdiqën në internim pas një kalvari të tmerrshëm vuajtjesh.

Kandidatura e Z. Miraka si anëtar i AIDSSH u mbështet me konsideratë nga Partia Demokratike dhe aleatët.

Del sot një nga gazrat e Bravës, që s'dihet nga vjen e si vjen, dhe vetëm pse ka një mandat deputeti në emër të të djathtëve, të persekutuarëve dhe demokratëve, e kryqëzon Z. Simon Miraka dhe familjen e tij që e ka larë me gjak e sakrifica rrugën për demokraci.

Të dashur demokratë!

Individë të tillë përbuzini dhe largojini! I neverisni kudo që t'i shihni, sepse ata nuk janë përfaqësuesit tuaj.

Ata janë të emëruar aty përkohësisht në emrin tuaj.

Turp dhe neveri!”, shkruan Noka./CNA.al





Lajmet e fundit nga