web counter
LEXO PA REKLAMA!

SHKARKO APP

App Store
Google Play

Çështja e detit në Hagë/ Dendias: Presim largimin e Metës

27 Maj 2022, 11:31, Aktualitet CNA
Çështja e detit në Hagë/ Dendias: Presim largimin e
Ministri i Jashtëm grek, Nikos Dendias

Ministri i Jashtëm grek, Nikos Dendias, ka deklaruar se për të çuar çështjen e ndarjes së detit në Hagë, do të presin ikjen e Presidentit Ilir Meta.

Në një intervistë për mediat greke, pak ditë pas vizitës në Tiranë, Nikos Dendias, është shprehur se Meta ende nuk ka dhënë autorizim për këtë çështje.

“Shqipëria ka bërë një zgjedhje të rëndësishme të paktën në kohën e kryeministrit Rama. Cila është ajo zgjedhje? Është Bashkimi Europian, ligji europian, acquis europian dhe, rrjedhimisht, partneriteti me Greqinë. Kjo është politika e saj e vendosur. Duhen parë linjat e gjera të politikave dhe pozicionet e qëndrueshme në politikat e dikujt. Dhe Shqipëria është konsistente me të. Ajo ra dakord me ne që t’ia referojmë çështjen tonë Gjykatës Ndërkombëtare të Drejtësisë në Hagë sipas rregullave të së drejtës ndërkombëtare. Kjo nuk ka ndodhur ende pasi Presidenti nuk i ka dhënë autorizimin përkatës kryeministrit. Me sa duket, Shqipëria do të zgjedhë një President të ri brenda dy-tre muajve të ardhshëm. Pra, e gjithë kjo do të jetë e realizueshme që atëherë. Sinqerisht, kjo është ajo që ruaj nga qëndrimi shqiptar, si dhe nga linja e përgjithshme e politikës së Shqipërisë në lidhje me vendimet e Bashkimit Europian si për çështjen e Qipros ashtu edhe për Turqinë”, ka thënë Dendias./CNA.al





Lajmet e fundit nga