web counter
LEXO PA REKLAMA!

SHKARKO APP

App Store
Google Play

Prindërit “bujarë” i dhurojnë 30 mijë euro/ Zbardhet pasuria e ministres së gafave

26 Maj 2022, 19:49, Aktualitet CNA
Prindërit “bujarë” i dhurojnë 30 mijë euro/
Ministrja Bora Muzhaqi

Pas zgjedhjeve të 25 prillit 2021, Partia Socialiste mori mandatin e tretë qeverisës, ndërsa pjesë e kësaj partie u bënë edhe emra të rinj.

Bora Muzhaqi është një nga emrat e rinj që iu bashkua ekipit gjatë fushatës elektorale, ndërsa pas formimit të qeverisë së re asaj iu besua detyra e ministres së Rinisë dhe Fëmijëve.

Bora Muzhaqi, është nga Elbasani, e diplomuar në Angli.

Muzhaqi ka studiuar për Ekonomi dhe Biznes Ndërkombëtar dhe ka punuar nëpër kompani konsulence taksash në Shqipëri.

Ajo është kthyer në Shqipëri që në vitin 2013 nga Anglia, ku ka studiuar për gjashtë vite.

Por kush është pasuria e Bora Muzhaqit?

Në formularin që ka dorëzuar në ILDKPI, Muzhaqi deklaron se disponon 30 mijë euro në një bankë të nivelit të dytë, për të cilat thotë se i ka dhuratë nga prindërit.

Po ashtu, ajo deklaron edhe një llogari tjetër bankare, në të cilën deklaron se disponon 12.949.29 lekë.

Ministrja e Ramës, që ka lënë shumë gafa, ka deklaruar në ILDKPI edhe të ardhurat që ajo ka pasur.

Sipas formularit, përgjatë vitit 2021, ajo ka përfituar 8800 euro nga kontratat me BERZH-in, ndërsa 368.300 lekë i ka të ardhura si anëtare në Komisionin për Rregullimin dhe mbikëqyrjen e qeverisjes së Organizatave dhe Anëtarësisë së tyre.

Përgjatë vitit 2021, Muzhaqi ka deklaruar se ka përfituar 20.185 lekë si pjesë e jurisë së Albanian Women Entrepreneurs.

Pasuria e Bora Muzhaqit:

-30 mijë euro dhuratë nga prindërit

-Llogari bankare me 12.949.29 lekë

-Ka përfituar 8800 euro nga kontratat me BERZH-in

-Ka përfituar si anëtare në Komisionin për Rregullimin dhe mbikëqyrjen e qeverisjes të Organizatave dhe Anëtarësisë së tyre 368.300 lekë

-Pjesë e jurisë së Albanian Women Entrepreneurs 20.185 lekë./CNA.al

 

Prindërit “bujarë” i dhurojnë 30 mijë euro/

 

Prindërit “bujarë” i dhurojnë 30 mijë euro/

Prindërit “bujarë” i dhurojnë 30 mijë euro/





Lajmet e fundit nga