web counter
LEXO PA REKLAMA!

SHKARKO APP

App Store
Google Play

Çështja e detit në Hagë, a është gati dosja?/ Xhaçka përgjigjet para mediave

26 Maj 2022, 13:24, Aktualitet CNA
Çështja e detit në Hagë, a është gati dosja?/
Ministrja Olta Xhaçka

Ministrja e Jashtme, Olta Xhaçka, në një deklaratë për mediat, pas mbledhjes së Qeverisë, ka folur edhe në lidhje me çështjen e detit me Greqinë.

Xhaçka tha se kjo është një çështje e cila nuk ka lidhje vetëm me presidentin e Republikës, por me përgatitjen e të dyja vendeve për të gjetur kompromis.

“Nuk është çështje që ka lidhje vetëm me presidentin, por me përgatitjen e të dyja  vendeve për të gjetur kompromisin që më pas të shkojë në gjykatë. Në atë fazë jemi dhe kur të vijë momenti që të jemi gati do të ulemi për t’u dakordësuar sipas të gjitha kompromiseve që kërkon gjykata ku do ta çojmë çështjen”, tha Xhaçka.

Gjithashtu, ministrja Xhaçka bëri të ditur se Shqipëria ka dhënë zyrtarisht dritën jeshile për anëtarësimin e Suedisë dhe Finlandës në NATO. Lajmi është bërë i ditur nga Ministrja për Europën dhe Punët e Jashtme, Olta Xhaçka, pas përfundimit të mbledhjes së qeverisë.

“Në mbledhjen e sotme miratuam në parim protokollet e aderimit në NATO të Suedisë dhe Finlandës. Kemi dhënë zyrtarisht dakordësinë tonë për zgjerimin e Aleancës dhe përfshirjen në të të këtyre dy vendeve. Këto janë protokolle që kalojnë më pas për ratifikim në Kuvend. Kur kjo procedurë të miratohet në 230 parlamentet e vendeve anëtare të NATO-s do të bëhet i mundur pranimi de jure në traktatin e Atlantikut të Veriut për këto dy vende. Hapi final është edhe depozitimi i instrumentit të anëtarësimit pranë qeverisë së SHBA-së në cilësinë e vendit depozitues të këtij traktati. Është një zhvillim i rëndësishëm që forcon sigurinë dhe bashkëpunimin mes SHBA-së dhe BE-së si dhe NATO-s dhe BE-së. Është një zhvillim që vjen si një pasojë e drejtpërdrejtë e agresionit rus në Ukrainë.

Shqipëria ka dhënë zyrtarisht dritën jeshile për anëtarësimin e Suedisë dhe Finlandës në NATO. Lajmi është bërë i ditur nga Ministrja për Europën dhe Punët e Jashtme, Olta Xhaçka, pas përfundimit të mbledhjes së qeverisë.”-deklaroi Xhaçka.





Lajmet e fundit nga