web counter
LEXO PA REKLAMA!

SHKARKO APP

App Store
Google Play

Votimi i emigrantëve/ Kristaq Kume, skeptik për aplikimin në zgjedhjet e ardhshme

26 Maj 2022, 17:04, Aktualitet CNA
Votimi i emigrantëve/ Kristaq Kume, skeptik për aplikimin në
Ish-kreu i KQZ-së, Kristaq Kume

Ish-kreu i KQZ-së, Kristaq Kume, ka reaguar ditën e sotme për votimin e emigrantëve dhe propozimi që është bërë si një zonë e veçantë.

Në një intervistë për media, Kume shpreh bindjen se në zgjedhjet e ardhshme emigrantët nuk mund të votojnë nga jashtë territorit të vendit.

Sipas ish-kreut të KQZ-së, e drejta e votës duhet t’u jepet jo vetëm emigrantëve, por kujtdo që është mbi 18 vjeç dhe ditën e zgjedhjeve ndodhet jashtë territorit të vendit.

“Për mua, aq sa e trajton kodi zgjedhor votën e emigrantëve është e pamjaftueshme dhe nevoja për ta ritrajtuar në tavolinën e Komisionit të Reformës Zgjedhore duhet të realizohet, pasi në të kundërt edhe në zgjedhjet e ardhshme zor se mund të votohet nga jashtë territorit të vendit.

Pesha më e madhe e atyre që do të votojnë nga jashtë territorit të vendit, mund të jetë e emigrantëve, por kjo nuk do të thotë se duhet të jetë vetëm për ta, duhet të rregullohet legjislacioni shqiptar zgjedhor për t'i krijuar mundësinë çdo shqiptari me të drejtë vote që të votojë nëse është jashtë Shqipërisë ditën e votimit pa qenë e nevojshme që të vijnë në qendrën e votimit.

Pra, të votojnë emigrantët, studentët, punonjësit tanë diplomatikë, ata që kanë shkuar të vizitojnë të afërmit jashtë shtetit, pra të gjithë ata që ditën e votimit nuk janë në Shqipëri dhe që kanë shprehur dëshirën të votojnë nga jashtë vendit”, tha Kume./CNA.al





Lajmet e fundit nga