LEXO PA REKLAMA!

SHKARKO APP

E fundit!

x

Inceneratorët, “çelësi” për zbërthimin e mafias/ Ish-ministri, mesazh të fortë SPAK-ut

22 Korrik 2022, 09:15, Aktualitet CNA
Inceneratorët, “çelësi” për zbërthimin e
Foto ilustruese

Ish-ministri i Drejtësisë, Ylli Manjani, e cilëson skandalin e inceneratorëve, si çelësin për zbërthimin e mafias në Shqipëri.

Në një postim në rrjetet sociale, Manjani shkruan se aty është mafia e ulur këmbëkryq.

Sipas tij, është po e njëjta mafie që trafikon drogë, përplas dhunshëm shqiptarët në emër të larjes së hesapeve, shpopullon vendin e madje shet edhe kufinjtë shtetërorë.

Po ashtu, Manjani i ka drejtuar mesazhe edhe SPAK-ut, ndërsa thekson se “Kjo tashmë është e qartë kristal. Vetëm SPAK-u nuk e sheh.”

“In-ce-ne-ra-to-rët!

Nuk ka çështje tjetër që kërkon zbërthim ligjor dhe përgjegjësi penale.

Aty është mafia e ulur këmbëkryq.

Është po e njëjta mafie që trafikon drogë, përplas dhunshëm shqiptarët në emër të larjes së hesapeve, shpopullon vendin e madje shet edhe kufinjt shtetërorë.

Po u zbërthye mafia e incenerimit del ashiqare mafia.

Parlamenti i së enjtes, Dick Martin, "fajin e ka Berisha" e propagabda e Yurit janë thjesht kollitje që fshehin pordhët.

Skema e inceneratorëve tregon thelbin e gjësë.

E kuptoni apo jo?

Lidhen kontrata për incenerim, po ska inceneratorë. Vjedhja e parë.

Pastaj i futën paratë që vodhën në skemë evazioni për të vjedhë edhe taksat. Vjedhja e dytë.

Kjo nuk është më shpërdorim i detyrës, por vjedhje dyfish në detyrë! 

Krim i organizuar deri në detaj.

Krim financiar, urban e mjedisor.

Veprimtari e pastër mafioze.

Nuk është punë Lefteri, Alqi, aq më pak Pëllumb Abeshi kjo punë.

Është një sude-shtet i përfshirë në këtë veprimtari mafioze.

Kjo tashmë është e qartë kristal. Vetëm SPAK nuk e sheh.”-shkruan Ylli Manjani./CNA.al

Lajmet e fundit nga