LEXO PA REKLAMA!

SHKARKO APP

Samiti i muxhahedinëve në Manëz/ Ambasada e SHBA me njoftim urgjent: Jemi në dijeni të një kërcënimi nga Irani

21 Korrik 2022, 22:56, Aktualitet CNA
Samiti i muxhahedinëve në Manëz/ Ambasada e SHBA me njoftim
Ambasada e SHBA

Ambasada e Shteteve të Bashkuara të Amerikës ka reaguar me anë të një njoftimi në faqen e saj zyrtare lidhur me samitin që do të zhvillohet më datë 23 dhe 24 korrik në kampin e muxhahedinëve iranianë në Manëz të Durrësit.

Ambasada bën me dije se: “Ngjarja: Qeveria e SHBA është në dijeni të një kërcënimi të mundshëm që synon Samitin Botëror të Iranit të Lirë që do të mbahet pranë Durrësit, Shqipëri në 23-24 korrik 2022”.

Ambasada ka listuar edhe një sërë veprimesh që duhen ndërmarrë. 

“Qytetarëve të SHBA-ve u kërkohet të shmangin këtë ngjarje; Monitoroni mediat lokale; Jini të vetëdijshëm për rrethinën tuaj; Mbani një profil të ulët”, njofton ambasada.

Po ashtu, ambasada e SHBA ka vënë në dispozicion edhe kontaktet se ku mun dtë kërkohet ndihmë./CNA.al

Samiti i muxhahedinëve në Manëz/ Ambasada e SHBA me njoftim

Lajmet e fundit nga