Pas SHBA-së edhe Britania, masa ndëshkuese ndaj politikës/ Kush janë shqiptarët në listën e zezë?

21 Korrik 2022, 15:57, Aktualitet CNA

Pas SHBA-së edhe Britania, masa ndëshkuese ndaj politikës/ Kush

Foto ilustruese

27 politikanë dhe biznesmenë janë në listën e zezë së Britanisë së Madhe.

Pas Shteteve të Bashkuara të Amerikës edhe Britania e Madhe ka vendosur sanskione për politikanët e korruptuar dhe të inkriminuar.

Konfirmimi ka ardhur nga i dërguari i Posaçëm i Kryeministrit britanik në Ballkanin Perëndimor, Sir Stuart Peach.

Në mesin e 27 politikanëve që pritet të shpallen "non grata" Peach ka thënë se ka edhe shqiptarë.

“Këtë javë, ne ndërmorën veprime frenuese kundër disa individëve shqiptarë në lidhje të me krimin dhe korrupsionin, të publikuara gjerësisht dhe të dokumentuara. Kjo është vala e parë e një serie veprimesh për të inkurajuar llogaridhënien dhe për t’i dhënë fund pandëshkueshmërisë. Mbretëria e Bashkuar ka një sërë mjetesh të vlefshme për të ndaluar individët që kanë lidhje me krimin dhe korrupsionin, përfshirë emigracionin dhe ndërprerjen e lidhjeve ekonomike. Detajet e këtyre veprimeve nuk mund të bëhen gjithnjë publike”, shprehet ai nëpër mjet një mesazhi.

Kjo është hera e parë që Europa nxjerr një listë “non-grata” për politikanë të përfshirë në aktivitete të ndaluara.

Se cilët do të jenë emrat në listën e gjatë britanike për Shqipërinë, kjo do të shihet pasditen e sotme, nëse selia diplomatike në Tiranë do të zgjedhë sigurisht t’i bëjë publik një nga një politikanët shqiptarë që e kanë të ndaluar Londrën.

Kujtojmë që korrupsioni në nivelet e larta shtetërore u vu një vit më parë në qendër të politikës amerikane për t’u ndaluar të gjithë ligjvënësve hyrjen në SHBA.

Vangjush Dako dhe Tom Doshi ishin politikanët e parë që provuan sanksionimin amerikan.

Pas tyre do të ishte ish-kryeprokurori Adriatik Llalla.

Ndërkohë që një vit më parë, Sekretari Amerikan i Shtetit, Antony Blinken, njoftoi se ish-kryeministri Sali Berisha dhe familja e tij ishin shpallur “non-grata” dhe nuk mund të shkelin më në tokën amerikane.

Ndërsa ditën e hënë në 11 prill 2022 në listën e zezë të SHBA-së do të përfundonin edhe ish-deputeti Aqif Rakipi dhe biznesmeni Ylli Ndroqi./CNA.al