LEXO PA REKLAMA!

SHKARKO APP

Si u katandis "Top Channel" edhe sipas Edi Ramës

20 Korrik 2022, 17:46, Aktualitet CNA
Si u katandis "Top Channel" edhe sipas Edi Ramës
Fotomontazh - Vjollca Hoxha dhe logoja e "Top Channel"

Dy javë më parë CNA.al denoncoi skandalin e sulmit të "Top Channel" ndaj biznesmenit Arben Reli për interesa të Vjollca Hoxhës.

Me anë të “Fiks Fare” dhe gazeta “Shqip”, Vjollca sulmoi biznesmenin Reli, duke mos kursyer shpifjet dhe mashtrimet. “Fiks Fare” mashtroi publikisht në lidhje me biznesmenin Arben Reli, për të cilin tha se është një person i dënuar nga gjykata, duke përdorur identitetin e një personi tjetër.

CNA.al zbuloi këtë skandal dhe sulm të vazhduar ndaj biznesmenit për shkak të një konflikti pronësie që Shpresim Bajraktari, i përfolur si i dashuri i Vjollca Hoxhës, ka me persona të tjerë.

"Top Channel" tentoi t’i vërë hapur një gjobë biznesmenit, i cili e ka kallëzuar për shpifje dhe fyerje këtë televizion për mastrimin publik.

Ndërkohë, sot kryeministri Edi Rama zbuloi një tjetër mashtrim të televizionit kombëtar dhe e quajti shpifës dhe përhapës paniku televizionin.

Kjo ndodhi pasi "Top Channel" publikoi një lajm për sulmin kibernetik pa cituar asnjë burim, ku thoshte se hakerat kanë shkatërruar të dhënat e shtetit shqiptar dhe kërkojnë 30 milionë euro shpërblim në Bitcoin.

Rama e përgënjeshtroi këtë lajm dhe e cilësoi televizionin si një media që shpif dhe përhap panik.

“Gjyqet me median për shpifje, përfshirë edhe shpifjet që përhapin panik, nuk janë në praktikën e qeverisë sonë! Prandaj i bëj thirrje publike 'TCH' të ndalë menjëherë valën e shpifjeve dhe përhapjen e panikut lidhur me pasojat e agresionit kibernetik mbi Shqipërinë!”, shkruan kryeministri në rrjetet sociale.

Sipas kreut të qeverisë, lajmet e "Top Channel" janë të reme.  

“Lajmet për një gjobë 30 milionë euro nga hakerat apo për shkatërrimin e të dhënave janë krejt të rreme! Qeveria ka informuar aq sa mund të informojë, në ndërkohë që lufta nuk ka mbaruar dhe pas hakerave qëndron një shtet tjetër, jo një bandë dosido digjitale që merret me gjoba”, theksoi Rama ndër të tjera.

Kështu, kryeministri vuri në pah katandisjen e "Top Channel" nga një televizion prestigjioz, në një televizion që përhap panik e thotë të pavërteta./ CNA.al

 

Lajmet e fundit nga