LEXO PA REKLAMA!

SHKARKO APP

E fundit!

x

Ja shpifjet dhe paniku që përhap "Top Channel"

20 Korrik 2022, 16:57, Aktualitet CNA
Ja shpifjet dhe paniku që përhap "Top Channel"
Televizioni "Top Channel"

Televizioni kombëtar "Top Channel" ka dezinformuar sot publikun me një lajm të rremë, duke shkaktuar panik.

Ka qenë kryeministri Edi Rama që ka arritur në këtë konkluzion, të cilin e ka bërë publik.

Bëhet fjalë pikërisht për lajmin e sulmeve kibernetike ndaj platformave qeveritare, që kanë paralizuar shërbimet online.

Duke iu referuar një të ashtuquajturi burim, "Top Channel" deklaron se në kompjuterat e selisë qendrore të AKSHI-t dhe e-Albania ka dalë një tabelë, e cila pretendohet se është e hakerave.

Sipas tyre janë publikuar disa numra telefoni të krerëve të shtetit shqiptar dhe familjarëve të tyre, duke dhënë një sinjal politik.

"Top Channel" pretendon se hakerat kanë dashur të tregojnë lidhjen e tyre me shtetin iranian që prej kohësh ka futur Shqipërinë në listën e vendeve jomike për shkak se strehon anëtarët e opozitës iraniane.

Sërish duke përmendur burime të pakonfirmuara, ky televizion deklaron se hakerat kanë kërkuar si shpërblim 30 milionë dollarë në Bitcoin dhe me anë të një virusi kanë fshirë dokumente në çdo institucion.

Por ky lajm është përgënjeshtruar nga kryeministri Edi Rama, i cili ka sulmuar sot hapur "Top Channel" dhe ka vënë në pah se ky televizion po shpif dhe po përhap panik.

Gjithashtu kryeministri e cilëson median si një "bandë gjobaxhie", teksa tregon se e vërteta qëndron krejt ndryshe.

Rama thekson se të dhënat nuk janë shkatërruar, teksa ngre dyshime për qëllimin e lajmeve dashakeqëse të "Top Channel".

Kështu kreu i qeverisë thekson edhe një herë atë që është thënë jo pak herë nga shumë personazhe publike, që "Top Channel" është një televizion që vë gjoba për interesa vetjake./ CNA.al

Ja shpifjet dhe paniku që përhap "Top Channel"

Ja shpifjet dhe paniku që përhap "Top Channel"

Ja shpifjet dhe paniku që përhap "Top Channel"

Lajmet e fundit nga