web counter
LEXO PA REKLAMA!

SHKARKO APP

App Store
Google Play

Spiunazh në shërbim të regjimit iranian/ SPAK, kontrolle në disa banesa në Laç, Lezhë e Fushë-Krujë

20 Korrik 2022, 12:24, Aktualitet CNA

Spiunazh në shërbim të regjimit iranian/ SPAK, kontrolle në

Prokuroria e Posaçme vijon Kontrollet dhe punën për identifikimin e personave të dyshuar si të përfshirë për aktivitet spiunazhi dhe aktivitet terrorist në Shqipëri kundër MEK.

Sipas gazetarit të "Report Tv", Arsen Rusta, përveç kontrollit të banesave të disa shtetasve dhe marrjes në pyetje të 11 personave të tjerë, ish-anëtarë të MEK, SPAK-u ka ushtruar kontrolle edhe në disa banesa në Laç, Lezhë e Fushë-Krujë që dyshohet se janë të përfshira në këtë rrjet spiunazhi.

Nga kontrolli në këto banesa janë sekuestruar disa sende si laptopë apo telefona që mund t'i vlejnë hetimit.

Referuar hetimeve të deritanishme të SPAK-ut, dyshohet se personat e vënë nën hetim kanë qenë të rekretuar nga Ministria e Brendshme e Iranit. Hetimet e SPAK-ut nisën pas marrjes së indicieve se disa persona po përgatisnin një rrjet agjenturor dhe kishin krijuar një shoqatë në Shqipëri, ku qëllimi ishte marrja e informacioneve për jetesën e muxhahedinëve që jetojnë në kampin në Manëz.

Në këtë rrjet spiunazhi dyshohet se ka edhe shtetas shqiptar. Deri më tani nuk ka asnjë person të ndaluar apo dëbuar lidhur me këtë çështje, ndërkohë që sipas SPAK-ut të gjithë të dyshuarit po mbahen në mbikqyrje nga antiterrrori dhe agjentë të BKH-së.





Lajmet e fundit nga