web counter
LEXO PA REKLAMA!

SHKARKO APP

App Store
Google Play

E fundit!

x

Luftoni krimin e organizuar/ Apeli i zyrtarit të lartë çek pas hapjes së negociatave

19 Korrik 2022, 13:11, Aktualitet CNA
Luftoni krimin e organizuar/ Apeli i zyrtarit të lartë çek pas
Ministri i Jashtëm çek, Jan Lipavsky

Ministri i Jashtëm çek, Jan Lipavsky, në konferencën për shtyp u shpreh se mirëpret harmonizimin e plotë të Shqipërisë me politikat e BE-së.

Ai ka thënë se presin zotime për të përmbushur reformat e nevojshme për të përmbyllur këtë proces dhe se BE do të mbështesë Shqipërinë deri në anëtarësimin e plotë.

“Jam i kënaqur që Shqipëria dhe RMV-ja do të nisin zyrtarisht negociatat. Ne kemi arritur një gur kilometrik në evoluimin e marrëdhënieve tona. E ardhmja e BP është në BE, Shqipëria ka qëndruar pranë fqinjëve në kohë të vështira dhe jam i lumtur që kjo pritje ka mbaruar për të dyja shtetet. Jam i lumtur që ky moment historik po zhvillohet gjatë presidencës çeke. Vendet e Ballkanit Perëndimor pritet që të betohen si anëtarë të ardhshëm të BE. Nxisim Shqipërinë të harmonizohet me politikën e jashtme të BE. Presim zotime për të përmbushur reformat e nevojshme për të përmbyllur këtë proces. BE do të mbështesë Shqipërinë deri në anëtarësimin e plotë. Shqipëria së pari duhet të zbatojë reformat në fushat e sundimit të ligjit, në gjyqësor dhe lufta kundër krimit të organizuar dhe korrupsionit. Jam i lumtur që kjo po ndodh", ka thënë ai./CNA.al





Lajmet e fundit nga