web counter
LEXO PA REKLAMA!

SHKARKO APP

App Store
Google Play

“Moment historik për Shqipërinë”/ Varhelyi: Do t’ju mbështesim në përballjen e të gjitha sfidave

19 Korrik 2022, 12:13, Aktualitet CNA
“Moment historik për Shqipërinë”/ Varhelyi: Do
Oliver Varhelyi

Komisioneri i BE-së për Fqinjësinë dhe Zgjerimin, Oliver Varhelyi, është shprehur i gatshëm për të mbështetur Shqipërinë që të përmbushë të gjitha kushtet e negociatave drejt anëtarësimit në BE.

Varhelyi u shpreh se qëllimi është që Shqipëria të jetë e mirëpërgatitur kur të vijë koha që të bëhet pjesë e BE-së.

“Çast dhe moment historik për BE-në dhe për Shqipërinë. Nëse ka diçka të mençur që mund të themi për Shqipërinë është që durimi strategjik është shpërblyer. Shqipëria është një vend kandidat me qëllimin e qartë për t'u anëtarësuar në BE. Përgjatë gjithë këtyre viteve kemi punuar fort dhe kemi qëndruar në krah tuaj. Kjo konferencë shënon një kapitull të ri në marrëdhënien me BE-në. Shqipëria vijon të përmbushë të gjitha kushtet për të hapur negociatat e anëtarësimit. Lufta kundër korrupsionit dhe krimit të organizuar janë për t'u lavdëruar.

Në këtë fazë të re që është shumë kërkuese Shqipëria do intensifikojë përpjekjet e saj për të përmbushur kushtet. Kuadri negocioues që po prezantohet sot ofron një bazë të shëndoshë për negociatat e anëtarësimit. Besoj te ju për të zbatuar një qasje gjithëpërfshirëse gjatë këtij procesi. Do të ishte thelbësore të komunikojmë gjatë gjithë këtij procesi me publikun. Komisioni do t’ju mbështesë në përballjen e të gjitha sfidave që përfshin procesi i anëtarësimit, përfshirë këtu anën financiare.”/E.T.CNA.al

 





Lajmet e fundit nga