web counter
LEXO PA REKLAMA!

SHKARKO APP

App Store
Google Play

E fundit!

x

Bojkoti i seancave gjyqësore/ Avokatët bëjnë lëvizjen e radhës

19 Korrik 2022, 10:27, Aktualitet CNA

Bojkoti i seancave gjyqësore/ Avokatët bëjnë lëvizjen e

Këshilli i Përgjithshëm i Dhomës së Avokatisë pritet që të enjten e ardhshme, të zhvillojë një tjetër mbledhje, për të përcaktuar se si do të vijohet me bojkotin e seancave gjyqësore.

Mësohet se takimi do të zhvillohet më 21 korrik në orën 11:30, vetëm një ditë para mbledhjes së paralajmëruar të Komitetit të Disiplinës.

Ky i fundit vendosi pak ditë më parë pezullimin e licencës për një avokat nga Fieri që kishte shkelur bojkotin, ndërsa nga 14 të tjerët, 11 shfrytëzuan kuadrin ligjor me kërkesën për më tepër kohë që të njiheshin me akuzat, ndërsa për 3 u vendos rrëzimi i kërkesës për masë disipline.

Kujtojmë këtu se avokatët në të gjithë vendin prej javësh protestojnë kundër draftit të Këshillit të Lartë Gjyqësor dhe Ministrisë së Drejtësisë, që parashikon uljen drastike të numrit të gjykatave në vend.

Deri më tani kanë kaluar 3 faza bojkoti, një protestë masive para dyerve të KLGJ-së dhe thirrje të vazhdueshme për të mos u miratuar ashtu siç është parashikuar drafti, por vazhdimisht janë ndeshur me mospërfillje nga aktorët vendimmarrës.





Lajmet e fundit nga