web counter
LEXO PA REKLAMA!

SHKARKO APP

App Store
Google Play

E fundit!

x

Ndarja administrative/ Hoti: Në 61 bashki është rritur numri i punonjësve

18 Korrik 2022, 14:57, Aktualitet CNA
Ndarja administrative/ Hoti: Në 61 bashki është rritur numri i
Foto ilustruese

Në Komisionin e Reformës Territoriale vijojnë dëgjesat për efektin që ka dhënë ndarja administrative e vendit në vitin 2014.

Drejtor i Përgjithshëm i Agjencisë për Mbështetjen e Vetëqeverisjes Vendore, Enea Hoti, deklaroi se në këto 8 vite është rritur numri i punonjësve me 11 mijë në pushtetin lokal.

Ndarja administrative në 2014-ën, ka rritur me 11 mijë numrin e punonjësve në 61 bashkitë e vendit. Këtë rritje, Enea Hoti, Drejtor i Përgjithshëm i Agjencisë për Mbështetjen e Vetëqeverisjes Vendore e argumentoi me numrin më të lartë të nënpunësve që u shërbejnë qytetarëve.

"Në 2015-ën kanë qenë diku te 20 mijë punonjës në nivelin vendor, sot në fund të vitit 2021 nga të dhënat që na vijnë nga bashkitë që i ka marrë agjencia, janë diku te 31 mijë punonjës të bashkive. Sot që flasim ne kemi në stafe të bashkive më shumë zjarrfikës, më shumë edukatorë, më shumë mirëmbajtjës të rrugëve rurale, mirëmbajtës të shkollave”, u shpreh Hoti.

Gjatë raportimit në Komisionin e Reformës Territoriale, Hoti deklaroi se ndarja e vendit 8 vite më parë ka ndihmuar në uljen e borxhit.

“Në 2015-ën rezultonte borxhi publik që kishin bashkitë dhe komunat ishte diku tek 12.7 miliardë lekë, sot që flasim ky borxh është në nivelet 6.5 miliardë lekë. Ka rreth 50 % të borxhit që bashkitë e reja kanë arritur ta menaxhojnë dhe ta ulin”, tha ai.

Gjatë kësaj jave në komision pritet të raportojë ministria e financave e më pas do të jenë 7 kryetarëve e bashkive për të dhënë efektin që ka dhënë ndarja territoriale e vendit në 2014-ën./euronews 





Lajmet e fundit nga