web counter
LEXO PA REKLAMA!

SHKARKO APP

App Store
Google Play

Shfryn kryetarja e partisë së inceneratorëve/ Kryemadhi, në derë të SPAK-ut

18 Korrik 2022, 13:15, Aktualitet CNA

Shfryn kryetarja e partisë së inceneratorëve/ Kryemadhi, në

Kryetarja e partisë së inceneratorëve, Monika Kryemadhi, në një dalje për mediat ka njoftuar se ka dorëzuar në SPAK padi shtesë për inceneratorët.

Kryemadhi kërkon hetimin e ministres së Financave Delina Ibrahimaj.

"Si përgjigje ndaj këtyre fakteve tronditëse të bëra publike, Ministrja e Financave të qeverisë deklaroi në Kuvend se ata i kanë ditur këto kompani fiktive që në vitin 2018.

Mirëpo, edhe kur i kanë hetuar këto kompani fiktive, administrata tatimore ka refuzuar t’i hetojë këto kompani që kanë lëshuar fatura fiktive për të mashtruar shtetin, së bashku me përfituesit real të faturave fiktive. Që janë kompanitë e inceneratorëve, kompania e Klodian Zotos, nënkontraktore e inceneratorëve.

Ndaj, sot me shtesën e kallëzimit, i kam kërkuar SPAK-ut të hetojë edhe Ministren e Financave, ish-Drejtoreshën e Tatimeve, zonjën Ibrahimaj, për implikimin e saj të drejtpërdrejtë me aferën e inceneratorëve, pasi me veprimet dhe mosveprimet e saj ka ndikuar në moshetimin e plotë të këtyre krimeve financiare nga administrata tatimore që ajo ka drejtuar në vitin 2018. Zbardhja e aferës së inceneratorëve nuk është betejë politike për LSI, por është ajo që meriton çdo qytetar i republikës.

Ndaj në 27 maj 2022, në cilësinë e kallëzuesit, i kam dërguar kërkesën e dytë për informacion SPAK-ut në lidhje me statusin juridik të çështjes penale", tha Kryemadhi./CNA.al





Lajmet e fundit nga