E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

“Kokat hëngshin”/ Policia, e përfshirë në atentatin mafioz me tri viktima?

18 Korrik 2022, 12:00, Aktualitet CNA

“Kokat hëngshin”/ Policia, e përfshirë në

Një atentat mafioz është regjistruar mesditën e djeshme pranë mbikalimit të Fushë-Krujës.

Tre të rinj janë masakruar nga plumbat dhe më pas janë djegur nga zjarri që ka përfshirë automjetin ku ndodheshin.

Të paktën këto janë të dhënat që vijnë nga policia.

Ndërkohë që kjo e fundit ka dështuar të luftojë krimin, duke mbledhur çdo ditë viktima rrugëve.

Ngjarja e djeshme hodhi dritë në disa aspekte.

Së pari, zbardhi faktin se policia është inekzistente apo në radhët e policisë ka të inkriminuar.

Kjo për arsye se një nga viktimat, Brilant Martinaj, ishte person në kërkim ndërkombëtar.

“Kokat hëngshin”/ Policia, e përfshirë në

Brilant Martinaj, një nga viktimat e atentatit mafioz

Në vitin 2020, i riu ishte shpallur në kërkim ndërkombëtar, pasi akuzohej për vrasjen e efektivit të FNSH-së, Xhuliano Prela.

Por, Martinaj, ndërkohë, lëvizte i lirë në të gjithë vendin.

Nga ana tjetër policia trumbeton çdo idiotësi si akt të rëndë kriminal, duke i dërguar si njoftime për shtyp.

“Kokat hëngshin”, shprehej kryeministri Edi Rama kohë më parë, duke iu referuar vrasjeve mafioze në vend.

Së dyti, policia është për të parandaluar ngjarje të tilla dhe jo për t’i mbuluar, duke bërë kështu që pasojat të jenë më të rënda.

Ashtu siç ndodhi dje.

Pamjet e frikshme që bënë xhiron e mediave, ku tre trupa të rinjsh po digjeshin, dhe policë që vinin vërdallë si të dehur, kanë tmerruar mbarë opinionin publik.

Nëse shënjestra siç raportojnë gazetarët e kronikës ishte Brilant Martinaj dhe nëse ky i fundit do të ishte i arrestuar, pasi ishte në kërkim, ai krim nuk do të kishte ndodhur.

Policia ka mbyllur jo njërin, po të dy sytë, duke i lënë terren të lirë mafias, dhe duke e kthyer vendin në një “Sicili" të viteve 1990.

Atentati mafioz me tri viktima, dje është kryer edhe nga Policia. Fushë-Kruja, Mamurrasi, Laçi, duket se janë jashtë kontrollit të policisë.

Dhe në vend që të vihej shpërblim për informacione apo kokat e autorëve, mund të merreshin masa brenda llojit.

Prangat duheshin tundur për drejtuesit e krimeve në qendër, për ata të zonës, për vartësit e tyre e me radhë. Ata janë autorët e vërtetë, pavarësisht se nuk kanë shkrepur armët./CNA.al