web counter
LEXO PA REKLAMA!

SHKARKO APP

App Store
Google Play

Koncesioni i sterilizimit/ Pas 9 orësh përballje me drejtësinë, Ilir Beqaj largohet nga SPAK-u

18 Korrik 2022, 19:06, Aktualitet CNA
Koncesioni i sterilizimit/ Pas 9 orësh përballje me
Ish-ministri i Shëndetësisë, Ilir Beqaj

Ish-ministri i Shëndetësisë, Ilir Beqaj, ka dalë pas 9 orësh nga ambientet e Prokurorisë së Posaçme Kundër Krimit të Organizuar dhe Korrupsionit.

Që prej mëngjesit të sotëm ai hyri në ambientet e SPAK-ut dhe u mor në pyetje nga oficerët e policisë gjyqësore të Byrosë Kombëtare të Hetimit, pyetje të cilat janë të shtruara nga prokurori Edvin Kondili.

Beqaj po përgjigjet para drejtësisë në lidhje me dosjen e sterilizimit mbi pajisjet mjekësore, si edhe marrëveshjen e kryer gjatë vitit 2015, në kohën kur ishte Ministër Shëndetësie.

CNA.al publikoi sot një video, ku ish-ministri shihej duke hyrë në godinën e SPAK-ut, ndërsa mbante një çantë të zezë.

Beqaj, u paraqit në SPAK i vetëm, ndërsa kujtohet si një nga ish-ministrat që u la në tavolinë nga ambasadorja e SHBA në Tiranë Yuri Kim.

Ky incident u regjistrua në nëntor të vitit 2021, gjatë një konference të organizuar nga Ministria e Brendshme.

Në momentin që Beqaj mori fjalën, ambasadorja amerikane u largua në mënyrë të beftë nga takimi, duke lënë të habitur edhe Bledi Çuçin që ishte ulur në krah të saj.

Ndërkohë, kujtojmë se SPAK-u ka thelluar hetimet për koncesionin e sterilizimit të pajisjeve mjekësore, një prej koncesioneve të shumë akuzuara të sistemit të shëndetësisë.

Pas grumbullimit të dokumenteve dhe shqyrtimit të kontratave dhe vendimeve, prokurorët e SPAK-ut kanë nisur marrjen në pyetje të punonjësve të Ministrisë së Shëndetësisë dhe anëtarëve të Komisionit të Ofertave./ B.A. - CNA.al





Lajmet e fundit nga