web counter
LEXO PA REKLAMA!

SHKARKO APP

App Store
Google Play

E fundit!

x

Mbi tetë orë përballë prokurorëve/ Çfarë dëshmoi Ilir Beqaj në SPAK

19 Korrik 2022, 12:43, Aktualitet CNA

Mbi tetë orë përballë prokurorëve/ Çfarë

Një ditë më parë, ish-ministri i Shëndetësisë, Ilir Beqaj, ka qëndruar në SPAK, për mbi tetë orë, ku është marrë në pyetje në lidhje me koncesionin e sterilizimit të pajisjeve mjekësore.

Beqaj është pyetur nga prokurori Kondilli dhe 2 oficerë të Byrosë Kombëtare të Hetimit, për mënyrën se si janë lidhur kontratat.

Para se të hynte në ambientet e SPAK-ut, ish-ministri Beqaj kishte një çantë, të cilën e mbante me vete edhe kur doli. Në fjalën e tij të shkurtër para medias u shpreh se kishte materiale pune.

Ndërkohë, mësohet se dje Beqaj ka deklaruar se “ka zbatuar të gjitha detyrimet për aq sa i lejon ligji për dhënien e koncesionit”.

Sipas tij koncesioni është dhënë kundrejt të gjitha procedurave ligjore.

I pyetur për lidhjen që ka me biznesmenin që fitoi tenderin me vlerë 100 milionë dollarë për sterilizimin e pajisjeve kirurgjikale, Beqaj mohoi të ketë njohje apo lidhje shoqërore me të.

Hetuesit konfirmojnë se Beqaj ka dhënë dëshmi si person që ka dijeni për dhënien e koncesionit dhe ndaj tij deri më tani, nuk është regjistruar ndonjë procedim penal apo hetim.

Kujtojmë këtu se hetimi për sterilizimin nisi 3 vite më parë pas kallëzimit të nismës “Thurje” për akuzat e shpërdorimit të detyrës, korrupsionit dhe shkeljes së pabarazisë në tendera për këtë çështje në pyetje deri më tani janë marrë rreth 20 persona mes të cilëve ish-ministri i Shëndetësisë, mjekë, dhe anëtarë të komisionit të vlerësimit të ofertave si dhe zyrtarë të tjerë të ministrisë.





Lajmet e fundit nga