web counter
LEXO PA REKLAMA!

SHKARKO APP

App Store
Google Play

E fundit!

x

“Sot pasdite nisim 'screening'”/ Varhelyi, mesazh qytetarëve shqiptarë

19 Korrik 2022, 13:17, Aktualitet CNA
“Sot pasdite nisim 'screening'”/ Varhelyi, mesazh
Oliver Varhelyi, Komisioneri për Zgjerimin në Bashkimin Europian

Oliver Varhelyi, Komisioneri për Zgjerimin në Bashkimin Europian, ka dalë me një mesazh për qytetarët shqiptarë, pas përfundimit të konferencës së parë ndërqeveritare.

Sipas tij, negociatat e Shqipërisë me BE-në do të kenë një natyrë transformuese që do të ndikojnë në jetën e përditshme të shqiptarëve.

“Mesazhi im ndaj qytetarëve të Shqipërisë është shumë i thjeshtë: ne duam që të jeni pjesë e Bashkimit Europian. Nga sot e tutje do të injektojmë në negociata një dinamizëm të ri. Shqipëria mund të mbështetet te Komisioni dhe ne do të bëjmë gjithçka që Shqipëria të përgatitet sa më shpejt për t'u bërë anëtare e BE. Sot pasdite nisim ‘screening’, që është hapi i parë i negociatave. Na duhet konsensus mbarëkombëtar, në këtë rrugëtim na duhen të tëra në Shqipëri. Jo vetëm negociata gjithëpërfshirëse, por edhe shteruese. Negociatat kanë një natyrë transformuese. Do të ketë një ndikim madhor, pozitiv te popullsia, tek ekonomia. Ne duam që të gjithë të jenë pjesë e saj dhe të punojnë për të. Rruga e Shqipërisë për t'u bërë anëtarë sapo ka nisur dhe ne jemi gati të jemi të gatshëm të punojmë sa më shpejt që ta zhvillojmë këtë proces”, u shpreh ai./CNA.al





Lajmet e fundit nga