web counter
LEXO PA REKLAMA!

SHKARKO APP

App Store
Google Play

E fundit!

x

Nga seksi te FBI, CIA, Meta dhe Berisha/ Ngjela, avokati gjitholog që rrëzon vetveten

20 Korrik 2022, 16:34, Aktualitet CNA
Nga seksi te FBI, CIA, Meta dhe Berisha/ Ngjela, avokati gjitholog që
Spartak Ngjela

Spartak Ngjela, është njeriu që “heton”, “arreston” e liron kë t’i dojë qejfi.

Me deklarata platonike shfaqet herë pas here në media, duke folur për drejtësi, arrestime të mëdha, aminisi fiskale, për mjedisin, për seksin, për çdo gjë.

Avokati që ka 20 vjet që flet si të ishte President i SHBA, që trumbeton burime nga FBI e CIA, në shumicën e rasteve ka dalë blof me deklaratat e tij.

Herë, si avokat, herë si kryepolic, herë si kryeprokuror, Ngjela zë hapësirën në media, merr një pozicion serioz, por deri më tani asnjë parashikim i tij s'ka dalë.

Sipas atyre që ka thënë Ngjela, tashmë jo vetëm qeveria ‘Rama” ka rënë dhe të korruptuarit janë arrestuar, por, duhej të kishte filluar lufta e tretë botërore.

Ngjela i apasionuar pas vajzave të bukuara, prezantohet si avokat, por askush nuk e di, se çfarë çështjesh ka mbrojtur.

Të thuash avokat, nënkupton pseudonimin e Spartak Ngjelës, por jo profesionin e tij, që sipas artre që thotë, mund të quhet gjitholog.

Gjatë një interviste për një media, Ngjela ka folur për disa çështje njëherësh.

Më shumë sesa ka folur duket sikur ka kënaqur egon e tij.

Ai ka komentuar situatën politike në vend, ndërsa e ka vënë theksin te sistemi në drejtësi, vizita e numrit 2 të Departamentit Amerikan të Shtetit në Shqipëri, Lisa Johnson, si dhe retorikën e ashpër të ndjekur nga ish-kryeministri Sali Berisha dhe presidenti Ilir Meta.

Sipas tij lufta antikorrupsionin fillon pasi të largohet President Ilir Meta.

Por, kjo do të ndodhë sipas tij pas paralajmërimeve të Kinës Komuniste. Në këtë pikë ka përfshirë edhe kreune  PD-së, Sali Berisha.

“I keni dëgjuar ato paralajmërimet e Kinës komuniste kundër Amerikës gjatë momenteve të Luftës së Ftohtë, paralajmërimi 1, paralajmërimi 2, e kështu me radhë sepse ishin diku tek 200 apo 300 paralajmërime, e njëjta gjë është edhe me atë, ku e ka ai forcën. Ai mendon që forcën ta kap me Saliun. Po Saliu ku e ka forcën? Askund. Janë tendenca antiamerikane në thelb dhe nuk është se janë antiamerikane si pasojë e qytetërimit, por si pasojë e korrupsionit që kanë bërë të dy dhe kapjen që bëri politika amerikane dhe ekspertiza juridiko –penale që krijoj në Shqipëri gjithë legjislacionin antikorrupsion për reformimin e gjyqësorit, krijoj gjithashtu SPAK-un dhe ka dhënë shenja që do të filloj goditjen në nivelet e larta të korrupsionit në Shqipëri”, është shprehur Ngjela, i ashtuquajturi avokat./CNA.al





Lajmet e fundit nga