web counter
LEXO PA REKLAMA!

SHKARKO APP

App Store
Google Play

Një pronar mediesh shantazhon drejtorin e Doganave/ Reagon Gazheli: Gjobat e sponsorizuara janë rutinë

21 Korrik 2022, 16:01, Aktualitet CNA
Një pronar mediesh shantazhon drejtorin e Doganave/ Reagon Gazheli: Gjobat
Genti Gazheli

Drejtori i Përgjithshëm i Doganave, Genti Gazheli, ka reaguar pas sulmeve që një pronar medie i ka bërë ditën e sotme.

Në një postim në rrjetin social "Facebook", Gazheli shkruan se biznesi i pronarit të medies është gjobitur për evazion fiskal në përputhje me ligjet në fuqi dhe fill pas këtij vendimi sipas tij ka nisur një sulm i menjëhershëm.

Shefi i Doganave nënvizon se pavarësisht ofensivës mediatike ndaj tij, do të vijojë kryerjen e detyrës me përgjegjshmëri të plotë pa u ndikuar.

"Dua të ndaj me publikun dhe aktorët e interesit që shërbehen nga dogana shqiptare, se sulmi mbi mua nga një media e caktuar, vjen menjëherë pasi një biznes i pronarit të medias në fjalë është gjobitur për evazion fiskal.

Mbase kjo është koincidencë, por ky sulm mbi një çështje të pretenduar si problematike të vitit 2016 dhe mbi persona që punojnë në doganën shqiptare prej shumë vitesh, targeton personin tim pa asnjë fakt apo provë. Ndërkohë, edhe për vetë çështjen, ne nuk disponojmë asnjë letër zyrtare lidhur me ndonjë hetim jashtë apo brenda vendit.

Shantazhet dhe gjobat mediatike të sponsorizuara nga interesat e prekura prej ligjzbatimit fiskal janë rutinë për mua.

Unë punoj për shtetin dhe askush nuk më lëkund dot në kryerjen e detyrës.", shkruan Gazheli./CNA.al





Lajmet e fundit nga