web counter
LEXO PA REKLAMA!

SHKARKO APP

App Store
Google Play

E fundit!

x

Lejuan një ndërtim pa leje tek “Uji i Ftohtë”/ Nën hetim 6 zyrtarë të Bashkisë Vlorë

21 Korrik 2022, 14:57, Aktualitet CNA

Lejuan një ndërtim pa leje tek “Uji i Ftohtë”/

Gjashtë punonjës të Bashkisë Vlorë janë dërguar për ndjekje penale, pasi lejuan një ndërtim pa leje në zonën e “Ujit të Ftohtë” në Vlorë.

Ata akuzohen për shpërdorim detyre, se kanë dhënë leje për kryerje punimesh në kundërshtim me ligjin për inspektimin dhe mbrojtjen e territorit nga ndërtimet e paligjshme.

“Procedohet penalisht 1 shtetas që ndërtoi pa leje, në lagjen 'Uji i Ftohtë', Vlorë. Procedohen penalisht dhe 6 shtetas të tjerë, për veprën penale 'Shpërdorimi i detyrës'.

Specialistët e Seksionit për Hetimin e Krimit Ekonomiko-Financiar në DVP Vlorë referuan materialet në Prokurori dhe nisi procedimi penal në gjendje të lirë për shtetasin: – G. H., 61 vjeç, banues në Vlorë, pasi dyshohet se ka ndërtuar pa leje, 2 konstruksione hekuri, në katin e nëntë të një objekti, në lagjen 'Uji i Ftohtë', Vlorë.

Gjithashtu, për këtë rast u referuan materialet në Prokurori dhe nisi procedimi penal në gjendje të lirë, për veprën penale 'Shpërdorimi i detyrës', për shtetasit: – J. Ç., 34 vjeç, me detyrë Drejtor i Zyrës Urbanistike në bashkinë Vlorë; – K. M., 33 vjeç, me detyrë specialist i Zyrës Urbanistike, në bashkinë Vlorë; – R. H., 34 vjeç, me detyrë specialist i Zyrës Urbanistike, në bashkinë Vlorë; – F. H., 35 vjeç, me detyrë kryeinspektor i IMT, në bashkinë Vlorë; – I. Z., 31 vjeç, me detyrë inspektor i IMT, në bashkinë Vlorë; – M. I., 30 vjeç, me detyrë inspektor i IMT, në bashkinë Vlorë.

Nga veprimet hetimore dyshohet se këta shtetas se kanë shpërdoruar detyrën duke lëshuar deklaratë paraprake për kryerje punimesh në kundërshtim me ligjin për inspektimin dhe mbrojtjen e territorit nga ndërtimet e paligjshme”, njofton Policia.





Lajmet e fundit nga