E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Artan Hoxha bën llogaritë për drogën e humbur/ Ironizon “Bana King”: Hajde banane Ekuadori

21 Korrik 2022, 17:08, Aktualitet CNA

Artan Hoxha bën llogaritë për drogën e humbur/ Ironizon

Gazetari Artan Hoxha

Gazetari Artan Hoxha ka ironizuar sërish pas operacionit në portin e Durrësit, ku u kap një kontejner i “Bana King”, i cili dyshohet se ka pasur drogë.

Me anë të një statusi në rrjetet sociale, Hoxha ka publikuar disa foto mes një furnizimi me banane nga Ekuadori dhe thotë se ka ardhur “mall i mirë”.

Ai ka llogaritur se sa drogë mund të ketë pasur secila arkë e humbur që nga dhjetori i vitit të kaluar e deri më tani dhe se sa mund të kushtonte ajo drogë, që pretendon se ka qenë “mall” i pastër kristal, me cilësi mbi 90%.

Statusi i plotë i Artan Hoxhës:

Erdhi “malli i mirë”, erdhi…

Hajde banane Ekuadori, të freskëta, të ëmbla taze, si t’i doni…

Eh si e solli çarku, nga “agronom kanabisi” në fushat dhe kodrat e Shqipërisë, një ditë të bukur të transferojnë me punë “merceolog frutash ekzotike”, me liçencë ndërkombëtare….

Po numëroj arkat, se nuk po biem dakord sa arka na kanë vjedhur ata “trimat” e Selfo Qorrit në portin e Durrësit…

Beso e kontrollo, thotë populli…

Dhe si u kam thënë edhe në fundin e dhjetorit të kaluar, një arkë e humbur me peshë standarte 19 kg banane, rezultoi të kishte brenda 17 kg kokainë me cilësi mbi 90% dhe vetëm 2 kg banane përsipër për dekor…

Në 29 dhjetor 2021 në magazinën e “Banana King” në Vaqarr, u kapën 7 arka, herë 17 kg kokainë secila, plot 119 kg kokainë me pastërti kristali nga Ekuadori.

Por ne port kishin humbur edhe 106 arka të tjera, herë 17 kg kokainë secila, plot 1802 kg kokainë që avulluan si me magji.

Në total ngakesa e dhjetorit ishte 1802 + 119 = 1921 kg kokainë.

Ndërsa më 16 korrik 2022, rezultojnë të zhdukura plot 60 arka me banane me peshën standarte.

60 arka herë 17 kg kokainë shkojnë në total 1020 kg “mall” i pastër kristal,… shumëzim çmimin e shumicës (25 mije euro) nga porti deri në magazinën e sigurtë, që ka pësuar një rënie të lehtë këto kohët e fundit, pasi nuk ka bord transparence qeveritar, që ta rrisë çmimin, shkojnë plot 25.5 milionë euro.

Dhe nëse kjo sasi del në rrugë me pakicë, me çmim për gramë besoj e kuptoni që shumëzohet me 3 deri 4 herë….

Qejf o qejf o qerrata…

Dhe ju thoni pse nuk duhet të ketë amnisti fiskale?!!!

Të ketë more, se ka para për të tërë…/ B.A. - CNA.al