LEXO PA REKLAMA!

SHKARKO APP

Harta e re gjyqësore/ Yuri Kim mbështet vendimin e qeverisë

21 Korrik 2022, 16:25, Aktualitet CNA
Harta e re gjyqësore/ Yuri Kim mbështet vendimin e qeverisë
Yuri Kim

Ambasadorja amerikane në Tiranë, Yuri Kim, ka përshëndetur miratimin e hartës së re gjyqësore, që u miratua nga Këshilli i Ministrave.

Në një postim në rrjetin social, Kim shkruan se ky vendim u miratua pas konsultave me grupet e interesit.

“Mirëpresim miratimin nga Këshilli i Ministrave të hartës së re gjyqësore sot. Harta e gjykatave të Shqipërisë u hartua nga Këshilli i Lartë Gjyqësor nëpërmjet një procesi që përfshiu Ministrinë e Drejtësisë dhe aktorë të tjerë, si dhe ndihmë teknike nga qeveria e Shteteve të Bashkuara, Bashkimi Europian dhe Këshilli i Europës.

Marrëveshja për hartën, e cila pasoi konsultime të gjera dhe marrjen në shqyrtim të shqetësimeve nga palët e interesuara si pjesë e procesit tre-vjeçar, përfaqëson një shembull të mirë të bashkëpunimit ndërmjet institucioneve të pavarura.

Këshilli i Lartë Gjyqësor ka përmbushur me sukses detyrimin e tij ligjor për të garantuar rregullisht që sistemi i gjykatave është gati për të siguruar performancë te efektshme gjyqësore dhe për t’i dhënë drejtësi pa vonesë qytetarëve shqiptarë”, shkruan Kim./CNA.al

Lajmet e fundit nga