LEXO PA REKLAMA!

SHKARKO APP

E fundit!

x

U mbyt duke shpëtuar të vëllanë/ Rama shpall “Dëshmor të Atdheut” Anri Kashikun

21 Korrik 2022, 17:57, Aktualitet CNA
U mbyt duke shpëtuar të vëllanë/ Rama shpall
Kryeministri Edi Rama duke i dorëzuar medaljen familjarëve të Andri Kashikut

Kryeministri Edi Rama u ka dhënë familjarëve të Anri Kashikut statusin “Dëshmor i Atdheut”, pasi i riu humbi jetën në përpjekje për të shpëtuar të vëllanë në plazhin e Durrësit.

Rama tha se përfitimi i këtij statusi të dëshmorit nuk e shuan pikëllimin dhe dhimbjen e thellë të familjarëve, por mbase lehtëson sadopak plagën e tyre.

Kreu i qeverisë theksoi se Anri nuk u bë hero vetëm i vëllait, por i të gjithë shqipatërve.

"Nuk ishte vetëm familja, të afërmit, miqtë shokët, komuniteti i zonës, ishte e gjithë Shqipëria që u prek me zemër dhe që me mendje qëndroi për një moment tek ky i ri që sikundër më tregoi babi kishte pasion futbollin. Donte të bëhej një futbollist i mirë dhe i njohur dhe që nuk ia doli dot sepse rrethanat fati e vendosën. Ai u bë heroi i të vëllait, por edhe heroi i të gjithë shqiptarëve. Përfitimi i këtij statusi të dëshmorit nuk e shuan pikëllimin e thellë të familjarëve, dhimbjen, por mbase lehtëson sadopak një plagë që fatkeqësisht do qëndrojë aty në zemrën e babit familjarëve vëllait dhe të afërmve.

Nga ana tjetër, është një detyrim i yni që të nderojmë çdo shqiptar, në radhë të parë këta lloj shqiptarësh, njerëz të zakonshëm, babi i Anrit është një burrë punëtor në emigracion. Më tregoi se prinin të takoheshin, i kishte dhënë fjalën që do takoheshin, por këta e solli që të mos e takonte dot djalin por të kthehej në Shqipëri për ti dhënë lamtumirën e fundit. Qeveria është zotuar që t’i mbrojë fëmijët e të rënave kudo në Shqipëri, por në këtë rast Anri vetë ishte një fëmijë dhe asht si të tjerë heronjtë të këtyre ditëve edhe ai u bë një simbol i një vetëmohimi ekstrem për të përmbushur një mision që disave si mjekëve që humbën jetën gjatë pandemisë, ua sjell rruga, disa të tjerëve ua sjell thjesht një moment i gabuar që askush nuk e ka në dorë por që në atë moment të gabuar bëjmë heroikisht gjënë e duhur", nënvizoi Rama./ B.A. –CNA.al

Lajmet e fundit nga