LEXO PA REKLAMA!

SHKARKO APP

Arrestimet për “Inceneratorët”/ Këlliçi zbardh prapaskenat: Rama zgjidhte kush do të shkojë në burg

7 Tetor 2022, 21:36, Aktualitet CNA
Arrestimet për “Inceneratorët”/ Këlliçi zbardh
Deputeti demokrat Belind Këlliçi

Deputeti demokrat Belind Këlliçi ka folur për lirimin e Alqi Bllakos nga qelia. Gjatë një prononcimi në Klan News, Këlliçi tha se, kemi të bëjmë me një drejtësi të kontrolluar.

Sipas deputetit, qëkur është bërë  ndalimi i ish deputetit Bllako dhe ish ministrit Lefter Koka, e kanë ditur që është një proces i orkestruar nga Rama.

Deputeti tha se, ishte pikërisht Rama ai që zgjidhte se kush do të shkojë në burg, se kush do të sakrifikohej dhe partia do t’i qëndrojë pas.

Ndër të tjera, Këlliçi shprehet se nëse SPAK do të bëjë drejtësi, të nisë nga kryeministri Edi Rama.  

Qëkur ne kemi pasur Komisionin Hetimor të Inceneratorëve, Bllako ka qenë i ftuar për të dëshmuar dhe nuk ka dëshmuar pasi ai ishte nën cilësinë e të pandehurit nga SPAK. Fjalët qarkullonin që atëherë që të gjithë ato që po shkojnë para drejtësisë, po shkojnë për shkak se kemi të bëjmë me një drejtësi të kontrolluar. Padyshim që këto do të amnistohen, do të bëjnë pak muaj burg ose 1 vit burg dhe ishte pikërisht Rama ai që zgjidhte se kush do të shkojë në burg, se kush do të sakrifikohej dhe partia do t’i qëndrojë pas. Qëkur është bërë në fakt ndalimi i Bllakos dhe i Lefter Kokës, apo i anëtarëve të KVO për rastin e Fierit dhe të Elbasanit, ne e kemi thënë se ky është një proces i orkestruar nga Edi Rama sepse nuk është Bllako personi që ka hartuar dhe ndjekur këtë proces. Nëse SPAK do të bëjë drejtësi, aty janë personat përgjegjës, fillon me Edi Ramën”, tha Këlliçi./ CNA.al

 

Lajmet e fundit nga