web counter
LEXO PA REKLAMA!

SHKARKO APP

App Store
Google Play

E fundit!

x

Bllako në shtëpi, Koka në burg/ Lorenc Vangjeli tregon se çfarë nuk shkon me reformën

7 Tetor 2022, 13:47, Aktualitet CNA

Bllako në shtëpi, Koka në burg/ Lorenc Vangjeli tregon se

Brenda pak ditësh gjykata mori vendimin lidhur me dy deputetë, të cilët kanë pasur lidhje me aferat e inceneratorëve, Alqi Bllako, ish-deputet i PS-së, dhe Lefter Koka, ish-deputet i LSI-së. 

Alqi Bllako ditën e djeshme u lirua nga burgu, dhe masa e tij u "zbut", duke kaluar kështu në "arrest shtëpie", ndërkohë që sot gjykata mori vendimin që Lefter Koka do të vijojë qëndrimin në burg. 

Analisti Lorenc Vangjeli ka analizuar këtë situatë në kuadrin e zhvillimeve të reformës në drejtësi, ku sipas tij hetimi ndaj Bllakos tregon se si duhet parë në të vërtetë kjo reformë që po besohet verbërisht.

"Ky hetim tregon se ku janë kryeçelësat për të kuptuar se çfarë seriozisht nuk shkon te sistemi i drejtësisë që publiku ka investuar besim të verbër dhe shpresë naive, pritet më shumë se çfarë mund të japë dhe besohet se çfarë do të ndodhë nesër"- u shpreh Vangjeli.

Më tej analisti shprehet se drejtësia po përdor dy standarde.

"Dy mënyra sjelljeje, njëri do të presë përfundimin e hetimeve në shtëpi, ndërkohë që tjetri është në burg… Leximi që i bëjmë ne është lindor dhe ballkanik, ndërsa ligjet janë shkruar në mënyrë europiane. Ligji parashikon që ligjvënësi është në burg, atëherë kur është i rrezikshëm, kur kërkon të prishë provat, kur i kërkon të kryejë të njëjtën vepër penale, etj. Duhet abstraguar nga emri privat, një qytetar i zakonshëm që në këtë moment mund të quhet Lefter Koka apo Alqi Bllako, ose një qytetar çfarëdo, pyetjet që duhet të japë gjykata është a rrezikon të largohet dhe pyetjet e tjera që përmenda më sipër."- u shpreh analisti.

Sipas analistit Lorenc Vangjeli, shqiptarët ende mbartin mentalitetin sovjetik, në të cilin gjithmonë kërkohej një fajtor te çdo i dyshuar, por ndërkohë në demokraci ka të tjera ligjësi./CNA.al





Lajmet e fundit nga