web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Berisha: 420 milionë euro dhënë një kompanie të Edi Ramës

7 Tetor 2022, 11:01, Aktualitet CNA

Afera e inceneratorëve/ Berisha: 420 milionë euro dhënë

Kreu i PD-së, Sali Berisha, nga Memaliaj është ndalur tek afera e inceneratorëve.

Berisha ka denoncuar se 420 milionë euro janë dhënë për një kompani të kryeministrit Edi Rama.

“Edi Rama sot ofron arrogancën e plotë. Për të nuk ka të mjerë, nuk ka të varfër. Ai firmos vetë për xhepin e tij.

Të firmosësh 4 milionë euro një instalacion me arka, e bën vetëm një njeri i verbuar që nuk di se ç’do të thotë uri, ç’do të thotë skamje.

Ai nuk e di ç’do të thotë një familje si ajo në Mallkuç që jetonte prej katër vitesh në çadër.

Këto janë para xhepi, se merrni aferën e inceneratorëve, 420 milionë euro të dhëna një kompanie të Edi Ramës.

Të gjitha të firmosura në kundërshtim me ligjet e vendit. Të gjitha në mënyrë antiligjore. 420 milionë euro, asnjë djegës nuk ekziston që ta dini ju.

Ka një postulat: Mafia e ka si pikë mjalti plehun. Plehu është terreni më i madh për të shtrirë mafia tentakulat e veta. Edi Rama e dështoi këtë më mirë se kushdo tjetër.

Një kompanie të vetes i dhanë çdo tender për plehrat. Sot edhe djegësi i Elbasanit, edhe ai është jashtë funksionit. Sepse u instalua një hedhurinë. I Tiranës nuk ekziston, i Fierit nuk ekziston. Ekzistojnë vetëm dhjetëra e dhjetëra miliona euro të vendosura në konto bankare për t’u fshehur.

A do mund të vazhdojmë dot me këtë njeri? Nuk mund të vazhdojmë sepse çdo ditë që vazhdon, ai vjedh më shumë, abuzon më shumë, mashtron qytetarët”, është shprehur Berisha./CNA.al





Lajmet e fundit nga