web counter
LEXO PA REKLAMA!

SHKARKO APP

App Store
Google Play

Lënia në arrest shtëpie e Bllakos/ Ristani: SPAK-u nuk ka guxuar të vërë para drejtësisë aktorët

6 Tetor 2022, 22:17, Aktualitet CNA
Lënia në arrest shtëpie e Bllakos/ Ristani: SPAK-u nuk ka guxuar
Anëtari i Kryesisë së PD, Arben Ristani

Anëtari i Kryesisë së PD-së, Arben Ristani, ka komentuar në lidhje me vendimin e gjykatës për lënien në arrest shtëpie të ish-deputetit të PS-së, Alqi Bllako, i arrestuar për aferën e incenratorëve.

Ristani thotë se rrethanat për Bllakon nuk u ndryshuan për shkak të fëmijëve, pasi këtë situatë ish-deputeti e ka pasur edhe në momentin që është marrë vendimi për arrest me burg.

Sipas Ristanit, këtu ka një pavullnet për të hetuar çështjen e inceneratorëve.

“Për mua ka një praktikë të gabuar që nuk është e sotme, por është prej vitesh. Sipas ligjit arresti me burg është masa e fundit kur çdo masë tjetër është e papërshtatshme. Këtu është përdorur gjerësisht duke siguruar në burg të pandehurit gjatë hetimeve. Në parim është abuzuar me arrestin në përgjithësi, kur ndryshohet masa e sigurimit duhet të kishin ndryshuar rrethanat kur u mor vendimi i parë. Nuk e dimë cilat rrethana kanë ndryshuar sepse fëmijët i ka pasur edhe në momentin që është marrë vendimi i parë. Nuk duket të ketë ndryshim të rrethanave. Shoh në përgjithësi një pavullnet për të hetuar këtë çështje, një nga skandalet më të mëdha korruptive në vend. Hetimi duhet të ishte më i shpejtë e gjithë përfshirës për aktorë që SPAK nuk ka guxuar ti vërë para drejtësisë. Lojë që banda në pushtet e luan përmes të vetëve që të ulë impaktin publik të çështjes”, tha ai./ CNA.al





Lajmet e fundit nga