web counter
LEXO PA REKLAMA!

SHKARKO APP

App Store
Google Play

Heqja e fashës 800 kWh/ Balluku, “shuplakë” Tabakut: Njerëzit e kuptojnë që po i përdorni

6 Tetor 2022, 16:20, Aktualitet CNA
Heqja e fashës 800 kWh/ Balluku, “shuplakë” Tabakut:
Zëvendëskryeministrja, Belinda Balluku

Zëvendëskryeministrja, Belinda Balluku, gjatë fjalimit të saj në Kuvend i është përgjigjur akuzave të deputetes Jorida Tabaku në lidhje me energjinë.

Balluku ka theksuar se ERE nuk miraton dot politikat sociale, pasi ato në këtë vend i bën qeveria dhe jo ERE.

Ndër të tjera, Balluku thotë se sa më shumë flasin aq më shumë njerëzit e kuptojnë se po i përdorin.

Ndërsa përsa i përket Reformës në Drejtësi, zëvendëskryeministrja tha se qeveria nuk ngatërrohet me pushtetin e drejtësisë.

Balluku hodhi akuza duke thënë se në kohën kur PD ishte në pushtet, i mbanin gjyqtarët në zyrat e tyre dhe i nxirrnin më pas të merrnin vendime politike.

“ERE nuk miraton dot politikat sociale. Sa më shumë flisni njerëzit kuptojnë se ju po i përdorni.

Politikat sociale në këtë vendi i bën qeveria dhe jo ERE. Në rast se kemi kursyer energji nuk kemi pse aplikojmë fashën.

Kjo qeveri nuk ngatërrohet me pushtetin e drejtësisë dhe për më tepër vettingu dhe reforma në drejtësi është bërë në kohën e PS.

I mbanit gjyqtarët në zyrat tuaja dhe i nxirrnit të merrnin vendime sipas urdhrave tuaja politik.

Përsa i përket babatakut, PS nuk ka rënë në asnjë batak. PS sa herë del e votohet merr votat maksimale”, tha Balluku./ CNA.al

 

 





Lajmet e fundit nga